Qazaqstandyqtar alkogóldi sýsyndarǵa kóbirek aqsha jumsaı bastaǵan. Múmkin, bul ishimdiktiń baǵasy bir jyl ishinde ortasha eseppen 9,3%-ǵa qymbattaǵandyqtan bolar, dep habarlaıdy aqshamnews.kz.
Energyprom.kz málimetteri boıynsha, 2024 jyldyń ekinshi toqsanynda árbir qazaqstandyq otbasy ortasha eseppen alkogóldi sýsyndarǵa 5,5 myń teńge jumsaǵan. Bul 2023 jyldyń osy kezeńimen salystyrǵanda 8,1%-ǵa kóp.
Qazaqstandaǵy "eń kóp ishetin" óńirler retinde Shyǵys Qazaqstan oblysy jáne Pavlodar oblysy anyqtaldy (munda ishimdikke 9,5 myń teńgeden jumsalady), sondaı-aq Almaty qalasy (8,9 myń teńge). Ońtústik astanada ishimdikke jumsalatyn shyǵyn bir jylda 20,5%-ǵa ósken. Al eń az aqsha jumsaıtyn óńirler – Mańǵystaý, Atyraý jáne Qyzylorda oblystary.
Sonymen qatar, bir jyl ishinde ishimdik baǵasy qymbattaǵan. El boıynsha syra 14,4%-ǵa, sharap 9,9%-ǵa, al araq 3,6%-ǵa ósken. Baǵalardyń eń kóp ósýi Aqmola jáne Qyzylorda oblystarynda baıqalǵan.