Qazaqstanda ortasha zeınetaqy mólsheri - 35,7 myń teńge, alaıda elimizde 900 myń teńgeden artyq alatyndar da bar. Bul týraly BJZQ málimdedi, - dep jazady Tengrinews.kz tilshisi.
2025 jylǵy 1 tamyzdaǵy jaǵdaı boıynsha Qazaqstanda jas boıynsha beriletin aılyq ortasha tólem – nebári 35,7 myń teńge. Degenmen, eń joǵarǵy somaǵa shekteý qoıylmaǵan, keıbir azamattardyń zeınetaqysy 900 myń teńgeden asady.
Qazaqstandaǵy eń joǵarǵy 5 zeınetaqy tólemi (2025 jylǵy 1 qyrkúıekke):
-
993 041 teńge
-
818 818 teńge
-
635 236 teńge
-
565 857 teńge
-
560 437 teńge
Zeınetaqy kólemi nege baılanysty?
Mamandardyń aıtýynsha, mundaı joǵary tólemderge birneshe faktor áser etedi: tabys deńgeıi, jalaqydan turaqty ári tolyq aýdarymdardyń jasalýy.
Jınaqtaýshy zeınetaqy júıesi ár azamatqa óz qarajatyna ózi yqpal etýge múmkindik beredi. Mindetti 10 paıyz aýdarym jetkiliksiz bolsa, adamdar qosymsha erikti jarnalar aýdara alady.
BJZQ málimetinshe, 2025 jylǵy aqpanda Qazaqstandaǵy eń joǵary zeınetaqy 993 040 teńge bolǵan – qazirgi kórsetkishten nebári 1 teńgege kóp. Al ortasha aılyq tólem asa ózgermegen: jyl basyndaǵy 35,5 myń teńgeden 35,7 myń teńgege ǵana ósken.
Buǵan deıin BJZQ aktıvterdi ınvestısıalyq basqarýǵa qatysty sholýda kiristiń tómendegenin málimdegen. 2025 jylǵy qańtarda ınvestısıalyq tabys teris kórsetkishke túsip, mınýs 284,86 mıllıard teńge boldy.