Bas prokýratýranyń Quqyqtyq statısıka jáne arnaıy esepke alý komıtetiniń Qylmystyq qaýip-qaterdiń jáne qoǵamdyq qaýipsizdiktiń táýekelderin boljaý ortalyǵy azamattardy álemde qarqyn alyp jatqan jańa kıberqaýip týraly eskertedi, - dep habarlaıdy Aqshamnews.kz tilshisi.
Sheteldik derekkózderge sáıkes zıankester Jol qozǵalysy erejelerin buzǵany úshin jalǵan qaýlylardy jappaı jiberip jatyr. Hattar men habarlamalar elektrondyq poshta men messendjerlerge jiberiledi jáne júrgizýshi, kólik nómiri týraly derekterdi jáne «aıyppul tóleýge» siltemeni qamtıdy.
Shyn máninde, bul - fıshıng shabýyl. Bank kartasynyń derekterin engizgen kezde sizdiń shotyńyzǵa tolyq qol jetkiziledi jáne barlyq qarajatty urlaý múmkindigi týyndaıdy. Jekelegen jaǵdaılarda siltemede qurylǵydan jeke derekterdi urlaýǵa arnalǵan vırýsty qamtıdy.
Búgin shabýyldar Reseı men AQSH-ta tirkelgen, sondyqtan mundaı sqemanyń Qazaqstanda taralý qaýpi bar.
Ákimshilik aıyppul salý týraly resmı habarlamalar tek 1414 qysqa nómirinen kelip túsedi jáne tólem siltemelerin qamtymaıdy. Salynǵan aıyppuldar týraly aqparat egov.kz arqyly bankterdiń mobıldi qosymshalaryna da beriletinin esterińizge salamyz.
Eger siz 1414 nómirinen aıyppul týraly habarlama alsańyz jáne onda tólem siltemesi bolsa, ol boıynsha ótpeńiz! Bul - jalǵan aqparat! Mundaı habarlamalardy alaıaqtar jiberedi!
Usynamyz:
- siltemeler arqyly ótpeńiz jáne kúmán týdyratyn hattardyń tirkemelerin ashpańyz;
- aıyppuldar týraly aqparatty tek egov.kz, qamqor.gov.kz resmı resýrstarynda jáne bankterdiń mobıldi qosymshalarynda qaıta tekserińiz.
Eger siz silteme arqyly ótip, derekterdi engizgen bolsańyz:
- bank kartasyn shuǵyl buǵattańyz;
- yqtımal alaıaqtyq deregi týraly bankke jáne polısıaǵa 102 telefony arqyly habarlańyz;
- qurylǵyny vırýstyń bar-joǵyna tekserińiz.