Farmasevtıkalyq ónimniń kólemi 2020 jylmen salystyrǵanda 124% quraıdy.
Qazaqstan Úkimetiniń otyrysynda Densaýlyq saqtaý mınıstri Ajar Ǵınıat memlekettegi farmasevtıka salasynda óndiris kólemi óskenin aıtty, dep habarlaıdy Almaty-akshamy.kz Baq.kz cilteme jasap.
«Jalpy, farmasevtıka salasynda óndiris kóleminiń óskenin atap ótken jón. 2021 jyly farmasevtıka ónerkásibi oń serpin kórsetti, bul rette farmasevtıkalyq ónimniń kólemi 2020 jylmen salystyrǵanda 124%-dy quraıdy. Bıyl qańtar-sáýir aılarynda farmasevtıkalyq ónim kólemi ótken jyldyń uqsas kezeńimen salystyrǵanda 5%-ǵa ósti», - dep atap ótti vedomstvo basshysy.
Aıtýynsha, qazaqstandyq farmasevtıka ónerkásibi memlekettik qoldaýdyń arqasynda tıimdi ınvestısıalardyń úlken áleýetine ıe boldy.
«Osylaısha, otandyq taýar óndirýshilermen memlekettik qoldaýdyń arqasynda 10 jylǵa uzaq merzimdi sharttar jasaldy jáne ol satyp alý úlesin aqshalaı mánde 2010 jyly 15%-dan 2021 jyly 41%-ǵa deıin ulǵaıtýǵa múmkindik berdi. Farmasevtıkalyq kásiporyndar negizinen Almaty, Qaraǵandy oblystarynda, Shymkent jáne Almaty qalalarynda shoǵyrlanǵan», - dedi mınıstr.
Belgili bolǵandaı, eldiń qazirgi farmasevtıkalyq óndirisi dárilik zattar men medısınalyq buıymdarǵa qajettilikti tek qana 24%-ǵa qamtamasyz etedi.
«Bul rette otandyq dárilik zattardy óndirýge arnalǵan tehnologıalar men komponentterdiń, sondaı-aq farmasevtıkalyq preparattar men sýbstansıalardyń ımportyna táýeldi bolyp otyr. Budan basqa farmasevtıka salasyndaǵy otandyq ǵylym men bilimniń áleýeti men qarjylandyrý máseleleri tómen deńgeıde», - dedi Ajar Ǵınıat.