Týrızm jáne sport mınıstri Ermek Marjyqpaev jýyrda týrızmdi damytý salasyndaǵy 2023 jylǵy qyzmet qorytyndylary men 2024 jylǵa arnalǵan basym mindetter týraly alqa otyrysynda Premer-Mınıstrdiń tapsyrmasy boıynsha basym aýmaqtardyń tizimi 10-nan TOP-20-ǵa deıin keńeıtilgenin málimdedi.
Qazaqstandaǵy TOP-20 basym týrısik aımaqtyń tolyq tizimi mynadaı: Han Ordasy (BQO), Qarǵaly sý qoımasy (Aqtóbe obl.), Týrısik keshen (Qostanaı obl.), Shýche-Býrabaıdaǵy «Aqbýra» kýrort aımaǵy (Aqmola obl.), Imantaý-SHalqar kýrort aımaǵy (SQO), Baıanaýyl (Pavlodar obl.), Katon-Qaraǵaı kýrort aımaǵy (SHQO), Alakól kýrort aımaǵy (Abaı obl., Jetisý obl.), Túrgen-Qaskeleń taý klasteri (Almaty q., Almaty obl.), «Kóksaı resort» (Jambyl obl.), Balqash (Qaraǵandy obl.), Túrkistan (Túrkistan obl.), Baıqońyr ǵarysh aılaǵy (Qyzylorda obl.), Ulytaý aýyly (Ulytaý obl.), Jyly jaǵajaı (Mańǵystaý obl.), Saraıshyq qalashyǵy (Atyraý obl.), Shymkent – gastronomıalyq týrızm ortalyǵy (Shymkent q.) jáne Týrısik aýdan (Astana q.).
İshki týrızm aǵynynyń serpindi ósýin eskere otyryp, mınıstrlik jergilikti atqarýshy organdarmen birlesip atalǵan týrısik baǵyttarda ınfraqurylymdy damytý boıynsha jol kartalaryn ázirledi.