Jalpy, elimizde bir jylda nekeler sany 9%-ǵa ósse, ajyrasýlar sany 14%-ǵa azaıǵan.
2021 jylǵy qańtar-jeltoqsanda elimizde 140,3 myń neke tirkeldi, bul bir jyl burynǵydan 8,9%-ǵa kóp, dep habarlaıdy Almaty-akshamy.kz Finprom.kz saıtyna silteme jasap.
Qalalarda neke qıǵandar sany bir jylda birden 12%-ǵa, ıaǵnı 99,4 myńǵa deıin ósse, aýyldarda nebári 1,9%-ǵa, ıaǵnı 40,8 myńǵa deıin kóbeıdi.
2021 jyldyń 12 aıynda ajyrasýlar sany 19,3 myńdy qurady, bul bir jyl burynǵy kórsetkishten birden 14,4%-ǵa az. Qalalarda ajyrasýlar sany jylyna 10,8%-ǵa, ıaǵnı 14,9 myńǵa deıin, aýyldarda 24,5%-ǵa, 4,4 myńǵa deıin azaıdy.
Juptardyń kóbi byltyr Almaty qalasynda tirkelgen. Ońtústik astanada 18,8 myń neke tirkelgen, bul bir jyl burynǵydan 18,8%-ǵa kóp.
Úzdik úshtikke sonymen qatar halqy tyǵyz ornalasqan Almaty (14 myń, plús jylyna 7,9%) jáne Túrkistan (13,9 myń, plús 3,2%) oblystary kirdi. Nekeniń eń az kórsetkishi Soltústik Qazaqstan oblysynda tirkelgen: nebári 3,5 myń, biraq oblys úshin aıtarlyqtaı joǵary kórsetkish – jylyna 19,9%-ǵa ósken.
Tirkelgen ajyrasý derekteriniń de eń kóp sany Almaty qalasynda (2,6 myń), Almaty oblysynda (2 myń) jáne Qaraǵandy (1,9 myń) oblystarynda, eń azy – Qyzylorda oblysynda (barlyǵy 437) tirkelgen.
Elimizde neke qıý kórsetkishi 1000 adamǵa shaqqanda 6,78-den 7,29-ǵa deıin ósti. Nekeniń eń joǵary kórsetkishi elordada tirkelgen: 1000 adamǵa 9,66. Úzdik úshtikke Almaty qalasy men Atyraý oblysy da kirdi.
Ajyrasý kórsetkishi, kerisinshe, 1000 adamǵa shaqqanda 1,18-den 1-ge deıin tómendedi. Óńirlik turǵydan alǵanda Pavlodar, Soltústik Qazaqstan jáne Qaraǵandy oblystarynda bul kórsetkishtiń az ekeni baıqaldy.
