Úkimet otyrysynda mádenıet jáne aqparat mınıstri Aıda Balaeva ekomádenıet salasyndaǵy nátıjeler týraly aıtyp berdi. Onyń aıtýynsha, jumys – aqparattyq, uıymdastyrýshylyq jáne ekologıalyq baqylaý baǵytynda uıymdastyrylǵan, dep habarlaıdy aqshamnews.kz
90 myńnan astam ekovolonter tarıhı-mádenı nysandardy tazartýǵa baǵyttalǵan «Kıeli meken» bastamasyn qosa alǵanda, 15 myń is-sharaǵa qatysty, onyń sheńberinde 717 eskertkish oryn qaıta jańartyldy. Ekobaqylaý salasynda 3 myń adamdy qamtyǵan 300 nysanǵa qoǵamdyq monıtorıń júrgizildi. 600 qoǵamdyq uıym, ekoblogerler men eriktiler tazartý jáne kógaldandyrý jumystaryna belsendi qatysty.
Aıda Balaeva atap ótkendeı, «Taza Qazaqstan» jáı ǵana qoǵamdyq aksıa emes, búginde tutas ulttyń júıeli ıdeologıalyq ustanymy bolýy kerek. Bul týraly Prezıdent «Ana tili» basylymyna bergen suhbatynda toqtalyp, ekologıalyq tazalyqtyń elimiz úshin eń joǵary qundylyq retindegi mańyzyn atap kórsetti.