Qazaqstanda V Jastardyń sporttyq oıyndary ótip jatyr
Aǵymdaǵy jyldyń naýryz aıynda bastaý alyp, tamyz aıyna deıin jalǵasyp jatqan oıyndardyń baǵdarlamasyna 36 jazǵy olımpıadalyq sport túri boıynsha jarystar engen, dep habarlaıdy Almaty-akshamy.kz.
Aıta keteıik, atalǵan jarys tórt jylda bir ret ótkizilip turady.
Jarysqa elimizdiń 3 qalasy men 14 oblysynan sportshylar qatysyp jatyr.
Búgin 29 sport túri boıynsha jarystyń nátıjeleri shyqty. Birinshi orynda - Almaty qalasy (931 upaı), 872 upaımen Almaty oblysy ekinshi oryndy enshiledi, al 810 upaıdy ıelengen Shymkent qalasy úshtikti túıindedi.
Jastar oıyndary 10 naýryzda ashylǵan bolatyn. Jarystyń ashylýyna QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev qatysqan.
Jarystyń jabylýy Temirtaý qalasynda 1 tamyzǵa josparlanyp otyr.