Qazaqstanda 28 maýsym Buqaralyq aqparat quraldary qyzmetkerleri kúni dep belgilengen. Jýrnalıserdi kásibı merekege oraı Memleket basshysy Qasym-Jomart Toqaev quttyqtady.
Prezıdent BAQ qyzmetkerleriniń qoǵamdyq sanany jańǵyrtyp, ult tutastyǵyn nyǵaıtýda aıryqsha ról atqaratynyn sóz etti. Sondaı-aq buqaralyq aqparat quraldaryn damytý jáne jýrnalıserdiń quqyǵyn qorǵaý memlekettiń mańyzdy mindetteriniń biri ekenin atap ótti, dep habarlaıdy Almaty-akshamy.kz.
«Sizder qaı kezde de halyqqa shynaıy ári jedel habar taratyp, kásibı biliktiliktiń ozyq úlgisin kórsetip júrsizder. Bolashaqta da eldik máselelerdi kóterip, ulttyq qundylyqtardy nasıhattaýǵa belsene atsalysa beresizder dep senemin», – dedi Qasym-Jomart Toqaev.
Prezıdent sonymen qatar, aǵa býyny qalyptastyrǵan ulttyq jýrnalısıkanyń baı shejiresi men erekshe qoltańbasy bar ekenin eske saldy. Memleket basshysy bul murany saqtaý mańyzdy ekenin atap ótti.
Buqaralyq aqparat quraldary qyzmetkerleri kúnine oraı saltanatty is-shara ótti. Onda Mádenıet jáne aqparat mınıstri Aıda Balaeva men Prezıdenttiń keńesshi-baspasóz hatshysy Berik Ýálı jýrnalıserge vedimistik jáne memlekettik nagradalar tabys etti.
«BAQ ókilderi - qoǵam men bılik arasyndaǵy altyn kópir. Sondyqtan osy memlekette turatyn árbir azamat sizderdiń jumystaryńyzdy baǵalaıdy, óıtkeni sizder arqyly qoǵamnyń kóptegen ózekti máseleleri aıtylady jáne bul memlekettik organdardyń jumysyn jandandyryp, jetildirýge yqpal etedi», - dep atap ótti Aıda Balaeva.
«Qazaqstannyń eńbek sińirgen qaıratkeri» qurmetti ataǵyn jýrnalısıka ardageri Qudaıbergen Tursyn aldy. «Qurmet» ordenimen «Eýrazıa» telearnasynyń bas tilshisi Abaı Balajan marapattaldy. Svetlana Penkova «Eren eńbegi úshin» medalimen marapattaldy. QR Prezıdentiniń alǵys haty «Informburo.kz» tilshisi Áıgerim Úmmatqa jáne basqalarǵa tabystaldy.