Áskerılerdiń bul sharasy 7 qazan kúni aıaqtalady.
Qazaqstan aýmaǵynda Ujymdyq qaýipsizdik týraly shart uıymynyń "Ózara is-qımyl", "İzdeý" jáne "Eshelon" oqý-jattyǵýlary ótkizilýde, dep habarlaıdy Almaty-akshamy.kz.
Oqý-jattyǵýlardyń ashylý saltanatyna UQSHU Bas hatshysynyń orynbasary Tahır Haırýlloev, UQSHU Birikken shtabynyń bastyǵy general-polkovnık Anatolıı Sıdorov, uıymǵa múshe elder qarýly kúshteriniń ókilderi qatysty. Qorǵanys mınıstriniń birinshi orynbasary – Qazaqstan Respýblıkasy Qarýly kúshteri Bas shtabynyń bastyǵy general-leıtenant Marat Qusaıynov oqý-jattyǵýlarǵa qatysýshylardy quttyqtaı otyryp, óńirdegi turaqtylyq pen qaýipsizdikti qamtamasyz etý isindegi jáne qatysýshy memleketterdiń áskerı qyzmetshileriniń kásibı sheberligin arttyrýdaǵy uıymnyń mańyzdy ekenin atap ótti.
«Ujymdyq qaýipsizdik týraly shart uıymyna múshe elder strategıalyq áriptester men odaqtastar, al aldaǵy oqý-jattyǵýlar áskerı qyzmetshilerdiń jaýyngerlik sheberligin jáne ujymdyq kúshter bólimsheleriniń úılesimdiligin jetildirý quraly retinde ǵana emes, onymen qosa tıimdi halyqaralyq áskerı yntymaqtastyqty, tájirıbe almasý baǵytyndaǵy is-qımyldy jetildirý úlgisi», – dedi general-leıtenant Marat Qusaıynov.
Uıymnyń oqý-jattyǵýlarynyń belsendi kezeńi 2022 jylǵy 3-7 qazan aralyǵynda ótetinin aıta ketelik.