Shara maqsaty - basqarý organdarynyń ózara is-qımylyn jetildirý.
Ujymdyq qaýipsizdik týraly shart uıymyna múshe memleketterdiń barlaý organdary men bólimsheleri «İzdeý-2022» arnaıy oqý-jattyǵýyna qatysýda, dep habarlaıdy Almaty-akshamy.kz.
Birlesken oqý-jattyǵý Jambyl oblysyndaǵy «Mátibulaq» jáne «Gvardeısk» polıgondarynda ótip jatyr.
««İzdeý-2022» oqý-jattyǵýynyń maqsaty boıynsha basqarý organdary men kontıngentter bólimsheleri UQSHU-nyń Ujymdyq qaýipsizdik óńirindegi qarýly qaqtyǵysty oqshaýlaý is-qımylyn pysyqtaıdy»,- delingen Qorǵanys mınıstrliginiń baspasóz qyzmetiniń habarlamasynda.
Oqý-jattyǵý barysynda Jedel áreket etý ujymdyq kúshterin toptastyrý jáne birlesken operasıany daıyndaýda tez ózgeretin jaǵdaıdy eskere otyryp, úzdiksiz barlaý júrgizý de uıymdastyryldy.
UQSHU-nyń Ujymdyq jedel áreket etý kúshteriniń qolbasshysy qabyldaǵan sheshimdi oryndaý kezinde barlaýshylarǵa arnaıy barlaý quraldaryn qoldana otyryp, qarsylastyń jasaqtaryn anyqtaý mindetteri júkteledi.
Arnaıy oqý-jattyǵýdyń maqsaty – basqarý organdarynyń ózara is-qımylyn jetildirý, dalalyq bilim deńgeıin kóterip, barlaý bólimshelerdiń tez arada úılesimdiligin arttyrý bolyp tabylady.