Ǵylym jáne joǵary bilim mınıstri Saıasat Nurbek UBT formaty men mazmuny túbegeıli ózgeretinin málimdedi, dep habarlaıdy Aqshamnews.kz tilshisi.
Mınıstrdiń aıtýynsha, Prezıdent Qasym-Jomart Toqaevtyń AQSH-taǵy sapary aıasynda ǵylym men joǵary bilim salasyna qatysty birqatar mańyzdy kelisimder jasaldy.
Saıasat Nurbektiń sózinshe, Memleket basshysy álemdegi eń kóne ǵylymı-zertteý ortalyqtarynyń biri sanalatyn Smıtson ınstıtýtynyń basshylarymen kezdesti. Kelisim nátıjesinde "Bolashaq" baǵdarlamasy arqyly qazaqstandyq ǵalymdar, antropologtar, mádenıettanýshylar men tarıhshylar osy bedeldi ınstıtýtta bilim alyp, tájirıbesin shyńdaýǵa múmkindik alady.
Al UBT-ǵa qatysty úlken ózgerister kútip tur.
"Educational Testing Service (ETS) kompanıasy – álemdegi testologıa salasyndaǵy eń kóne uıym. Kelissózder nátıjesinde ETS-tiń jetekshi mamandary qatysatyn arnaıy jumys toby qurylady. Halyqaralyq deńgeıdegi sarapshylardyń tájirıbesi negizinde Qazaqstandaǵy Ulttyq biryńǵaı testileýdiń mazmuny men ádistemesi tereń jańǵyrtylyp, ol zamanaýı ádisteme men baǵalaýdyń sapasy joǵary halyqaralyq standartqa saı jetildirilmek", – dep atap ótti mınıstr.
ske salaıyq, Nú-Iorktegi sapar barysynda Prezıdent Toqaev ETS kompanıasynyń prezıdenti ári bas atqarýshy dırektory Amıt Sevakpen de kezdesti.