Qansha jannyń ýaqytsha neke qurbany bolǵanyn eshkim dóp basyp aıta almaıdy.
Qazaqstanda ýaqytsha nekege turyp, talaq aıtyp ajyrasatyndar kóbeıdi, dep habarlaıdy Almaty-akshamy.kz Qazaqstan ulttyq arnasyna silteme jasap.
Dintanýshy mamandardyń aıtýynsha, ýaqytsha nekege kóp jaǵdaıda teris aǵymdardyń jeteginde ketkender barady. Olar belgili bir merzim ótken soń áıeldi «talaq» etip, tastap ketedi.
««Nıkáh mýta» deıdi arab tilinen alǵan kezde. Ol degenimiz eki jaqtyń, ıaǵnı er men áıeldiń bir kelisimshartqa kelip, ýaqytsha neke qıýy. Munda neke ýaqytyn shektep qoıady. Sharıǵatymyz buǵan qarsy. Onyń durys emestigin aıtady. Biraq dindegi jat aǵymdardyń jeteginde júrgen baýyrlarymyz ben qaryndastarymyzdyń arasynda osy nárse beleń alyp otyr. Iaǵnı bir aı nemese bir jyl kóleminde birge turamyz dep nekesin qıdyrady. Keıin ýaqyty ótken soń nekeniń merzimi bitti dep talaǵyn berip, ajyrasyp jatady», – deıdi oblystyq QMDB pátýa bóliminiń jaýapty mamany Baýyrjan Meıirbekuly.