Elimizde ortaq ýaqyt engizilgeli beri kóterilgen másele kóp. Sonyń biri - mektep oqýshylarynyń sabaqtan qaıtqanda aınalany qarańǵylyq basyp qalýy. Bul másele boıynsha Bilim jáne ǵylym mınıstri Ǵanı Beısembaev pikir bildirdi, dep habarlaıdy aqshamnews.kz.
Vedomstvo basshysynan sabaq ýaqytyn qysqartý múmkindigi týraly suraq qoıylǵan bolatyn.
Mınıstrdiń jaýaby: sabaqtar tek erekshe jaǵdaıda ǵana qysqarady
Mınıstrdiń aıtýynsha, sabaqtar tek qajet bolǵan jaǵdaıda ǵana qysqartylady. Al eger sabaq ýaqyty qysqartylsa, onda bul ýaqyt kanıkýl kezinde tolyqtyrylady.
«Qaýipsizdik pen sapa máselesi qatar júrýi tıis. Biz shekten shyqpaýy kerekpiz», — dep túsindirdi Ǵanı Beısembaev.
Mınıstrdiń pikirinshe, sabaq ýaqytyn qysqartý máselesinde mektepter qaýipsizdikpen qatar oqý prosesiniń sapasyn da eskerýi kerek. Oqý jylynyń kestesin muqıat josparlap, oqýshylardyń qaýipsizdigine nazar aýdarý basty maqsat bolyp qalatyny anyq.