2020 jyly 21 myńǵa jýyq ótinish qaralsa, 2021 jyly onyń sany 25,2 myńǵa deıin ósken.
QR Saýda jáne ıntegrasıa mınıstrliginde mınıstr Baqyt Sultanovtyń basshylyǵymen aparattyq keńes ótti. Kún tártibinde tutynýshylar quqyǵyn qorǵaý júıesiniń tıimdiligi qaraldy, dep habarlaıdy Almaty-akshamy.kz
Bul másele boıynsha Tutynýshylar quqyǵyn qorǵaý komıtetiniń tóraǵasy Asqar Tynysbekov baıandama jasady. Onyń aıtýynsha, halyqtyń ómir súrý sapasyn arttyrý tutynýshylardyń quqyqtaryn qorǵaýdyń tıimdi júıesimen tyǵyz baılanysty, olardyń shaǵymdary jyl saıyn artyp keledi.
Máselen, 2020 jyly 21 myńǵa jýyq ótinish qaraldy, 2021 jyly onyń sany 25,2 myńǵa deıin ósti, ıaǵnı ósim - 120,5%.
«Qabyldanǵan sharalardyń nátıjesinde tutynýshylarǵa 363 mln.teńgeden astam qarajat qaıtaryldy. Bólshek saýda (55,3%), turmystyq qyzmetter (15,2%), elektrondyq saýda (5,3%), TKSH (4,3%), avıatasymaldaý(1,8%) ekonomıkanyń eń problemaly salalary bolyp tabylady», - dep atap ótti Asqar Tynysbekov.
Tutynýshylyq quqyqtardyń buzylýymen naqty kórinis obektıvti jáne sýbektıvti sebepterge baılanysty áldeqaıda keń. Ótinishterdiń ósý jaǵdaıy bıznestiń óz mindetterin buzǵanyn kórsetedi jáne tutynýshylardyń álsiz qorǵalýynyń kórsetkishi, sondaı-aq tutyný mádenıeti deńgeıiniń shamaly ósýi bolyp tabylady. Sońǵysyn 2021 jyly júrgizilgen sosıologıalyq saýalnamanyń nátıjeleri dáleldeıdi. 20 myń respondenttiń 42% «tutynýshylardyń quqyqtaryn qorǵaý týraly» zań normalaryn qoldanbaıdy dep jaýap berdi. 5% mundaı zańnyń bar ekenin bilmeıdi.