Elimizge saıahatshylardy qalaı tartýǵa bolady? Týrısik bıznes ókilderine qandaı qoldaý sharalary bar? Bul saýaldarǵa jaýap QR Mádenıet jáne sport mınıstrliginiń ókilderi kásipkerlermen ótken kezdesýde aıtyldy.
Atap óterligi, ústimizdegi jyldyń basynda týrızmge qoldaý baǵytynda birqatar shara engizildi, dep habarlaıdy Almaty-akshamy.kz
«Sharalar el azamattaryn ózimizde demalýǵa yntalandyrýǵa, syrtqy týrızmdi damytýǵa baǵyttalǵan. Oǵan sanıtarlyq-gıgıenalyq toraptar, jol boıyndaǵy qyzmet kórsetý nysandary, avtokólik quraldary jatady», - dedi QR MSM Týrızm ındýstrıasy komıtetiniń tóraǵasy Aıdos Sákenov.
Atalǵan jańashyldyqtar jyl basynda engizilgenine qaramastan, kásipkerler tıimdi múmkindikterdi paıdalanýǵa asyǵar emes. Mysaly, sanıtarlyq-gıgıenalyq toraptardyń qurylysy jáne olardyń jumysyn qamtamasyz etý, týrıserdi tasymaldaý úshin alynatyn avtobýstardy satyp alý shyǵyndaryn sýbsıdıalaý qarastyrylǵan. Sonymen qatar shaǵyn hostelden bastap iri qonaqúıge deıin týrısik obektilerdiń qurylysyna jumsalǵan qarajattyń bir bóligin qaıtarady. Taǵy bir aıta keterligi, Qazaqstanda balalardyń el ishinde ushaqpen tegin ushýy boıynsha «Kids Go Free» baǵdarlamasy júzege asyrylýda.
Qazaqstanǵa syrttan saıahatshylardy kóptep tartý úshin jáne jalpy otandyq týrısik salany qoldaýǵa memleket 15 mlrd teńge qarjy bóledi.