Úı kezegine ákimdikter arqyly turý toqtatylady.
Qazaqstan úkimeti turǵyn úı saıasatyn reformalaý týraly jańa zań jobasyn ázirledi. Joba boıynsha jergilikti atqarýshy organdardyń bazasynda kezekte turǵan 623 myń adam «Otbasy bank» AQ-ǵa beriledi jáne ákimdikter arqyly kezekke qoıý toqtatylady, dep habarlaıdy Almaty-akshamy.kz Baq.kz silteme jasap.
«Qurylǵan Turǵyn úımen qamtamasyz etý ortalyǵynyń bazasynda, sońǵy 10 jyl ishinde turǵyn úıi joq barlyq azamattardyń kezektiligi júrgiziledi. Árbir ótinimge otbasynyń tabysyn, múlki men aktıvterin ashatyn sıfrlyq portret qalyptastyrylatyn bolady», - delindi úkimet saǵatynda.
Mınıstrlikpen Eńbek jáne halyqty áleýmettik qorǵaý jáne Sıfrlyq damý, ınovasıalar jáne aeroǵarysh ónerkásibi mınıstrlikterimen «Otbasynyń sıfrlyq kartasy» jáne «Smart Data Ukimet» aqparattyq júıelerin qoldana otyryp, kezekte turǵan azamattardyń kirisin, nesıelerin, jyljymaıtyn múlik menshikterin qosa alǵanda taldaý boıynsha jol kartasy bekitilip, tıisti jumystar istelip jatyr.
«Turǵyn úımen qamtamasyz etý ortalyǵyn qurý esepke qoıý jáne qaryz alý úshin, «turǵyn úıge muqtaj» mártebesin rastaý úshin «bir tereze» qaǵıdatyn qoldanýǵa múmkindik beriledi, ıaǵnı birneshe ınstansıalarǵa júginý qajettiligi bolmaıdy», - delingen baıandamada.