Qazaqstan Úkimeti 2025 jyly turǵyn úı qurylysyn damytý maqsatynda 500 mlrd teńge bólý týraly sheshim qabyldady. Bul týraly Ónerkásip jáne qurylys mınıstri Ersaıyn Naǵaspaev Úkimet otyrysynda málimdedi, dep habarlaıdy aqshamnews.kz
2025 jylǵa deıin 19 mıllıon sharshy metr turǵyn úıdi paıdalanýǵa berý josparlanǵan. Bul maqsatqa jetý úshin «Báıterek» arqyly qosymsha qarajat bólinedi. Mınıstrdiń aıtýynsha, bólingen qarajat birneshe baǵyt boıynsha jumsalmaq.
Qarajattyń bóliný josparlary:
-
Jalǵa beriletin páterlerdi satyp alý – 300 mlrd teńge: Bul qarajat 21 myń jalǵa beriletin páterlerdiń satyp alýyna jumsalady. Bul turǵyn úı baǵdarlamasy áleýmettik jaǵdaıy tómen jáne kóp balaly otbasylar úshin úlken múmkindik bolyp tabylady.
-
Injenerlik-kommýnıkasıalyq ınfraqurylymǵa – 120 mlrd teńge: Qurylys jumystaryn tolyqqandy júzege asyrý úshin ınjenerlik ınfraqurylym mańyzdy ról atqarady. Bul qarajat eldegi turǵyn úı qurylysyn damytý men sapasyn arttyrýǵa baǵyttalǵan.
-
Otbasy Bankiniń ıpotekalyq baǵdarlamalaryna – 80 mlrd teńge: «2-10-20» jáne «5-10-20» baǵdarlamalary boıynsha 80 mlrd teńge bólinedi. Bul ıpotekalyq baǵdarlamalar jastarǵa, kópbalaly otbasylarǵa jáne áleýmettik turǵyda az qamtylǵan azamattarǵa qoljetimdi ári jeńil sharttarmen ıpoteka alýǵa múmkindik beredi.
Bul sharalar turǵyn úı máselesin sheshýge jáne azamattardyń turmys deńgeıin jaqsartýǵa baǵyttalǵan. Qurylys salasynyń qarqyndy damýy turǵyn úı naryǵyn turaqtandyrýǵa, halyqtyń áleýmettik jaǵdaıyn jaqsartýǵa jáne jańa jumys oryndaryn ashýǵa múmkindik beredi.
Qazaqstannyń árbir azamatynyń qoljetimdi jáne sapaly turǵyn úıge ıe bolýyna jaǵdaı jasaý – Úkimettiń basty mindeti bolyp tabylady.