Boljamdarǵa sáıkes, bul tendensıa saqtalady, munyń bári aldyn alý sharalarynyń arqasynda. Sonyń biri búgin, 24 aqpanda, týberkýlezge qarsy kúres aılyǵy bastaldy. Almaty qalasynyń Óńirlik komýnıkasıalar qyzmetiniń alańynda osy taqyrypqa arnalǵan baspasóz konferensıasy ótti, dep habarlaıdy Almaty-akshamy.kz.
Jaǵymdy statısıka týraly Qazaqstan Respýblıkasy Densaýlyq saqtaý mınıstrligi Ulttyq ftızıopýlmonologıa ǵylymı ortalyǵynyń dırektory Málik Ádenov aıtty. Onyń aıtýynsha, elimizde sońǵy 5 jylda aýrýshańdyq 24 %-ǵa tómendegen.
Týberkýlezden bolatyn ólim kórsetkishi 1,5 eseden astam tómendedi. Sondaı-aq, balalardyń aýrýshańdyǵy 27 paıyzǵa azaıǵan.
Málik Ádenov Qazaqstanda týrberkýlez boıynsha turaqty epıdemıologıalyq jaǵdaı saqtalyp otyrǵanyn atap ótti. Medısına qyzmetkerleri buǵan halyqty profılaktıkalyq tekserýlermen qamtý arqasynda qol jetkizgen.
«Elimizde týberkýlezdi anyqtaý jáne dıagnostıkalaý úshin Dúnıejúzilik densaýlyq saqtaý uıymynyń sońǵy usynymdaryna sáıkes tekserýdiń barlyq dıagnostıkalyq ádisteri engizilgen. PTR dıagnostıkasy quryldy, ol týberkýlezdiń bar-joǵyn gendik deńgeıde 2 saǵat ishinde anyqtaýǵa jáne alǵashqy kúnnen bastap emdeýdi taǵaıyndaýǵa múmkindik beredi», - dep atap ótti Ulttyq ftızıopýlmonologıa ǵylymı ortalyǵynyń dırektory.
Táýekel deńgeıi joǵary toptaǵy turǵyndardy skrınıngtik tekserýler táýekelderdi azaıtýǵa kómektesedi, eresekter flúorografıadan ótedi, al balalar men jasóspirimder týberkýlezdiń aldyn alýǵa baǵyttalǵan dıagnostıkasynan ótedi.
Ambýlatorlyq jáne stasıonarlyq emdeýge qatysty barlyq medısınalyq mekemeler tıimdi emdeý úshin týberkýlezge qarsy preparattardyń qajetti keshenimen tolyq qamtamasyz etilgen. Sezimtal týberkýlezdi emdeý tıimdiligi 88,2%, dárige tózimdi týberkýlezdi emdeýdiń tıimdiligi 80,2% qurady.
Pasıentterge yńǵaıly bolý úshin ambýlatorlyq emdeý olardyń turǵylyqty jerine jaqyn ornalasqan medısınalyq mekemelerde júzege asyrylady.
Máselen, búgingi tańda 7750 naýqas ambýlatorlyq em alady, onyń 1,9 paıyzy úıde, 2,6 paıyzy mobıldi brıgadada, 42,4 paıyzy smartfon arqyly beınebaqylaýda.
Emdeý monıtorıńin kún saıyn ftızıatr dárigerler, medbıkeler jáne osyǵan jaýaptylar qadaǵalaıdy.
Elimizde jergilikti atqarýshy organdardyń týberkýlezben aýyratyndarǵa aı saıyn áleýmettik qoldaý kórsetýi óte mańyzdy. Esepti kezeńde týberkýlezben aýyratyndardyń 97%-yna 1971,2 mln.teńgege áleýmettik qoldaý kórsetildi.