Josparly-profılaktıkalyq jumystar júrgiziledi.
Bir aptadan keıin, ıaǵnı shildeniń 21 kúni, Qazaqstannyń barlyq aýmaǵynda teleradıoarnalardy retranslásıalaý ýaqytsha toqtatylady, dep habarlaıdy Almaty-akshamy.kz.
«2021 jyldyń 21 shildesinde tańǵy saǵat 03.00 men 17.00 aralyǵynda jerseriktik, sıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi»,– delingen Aqparat jáne qoǵamdyq damý mınıstrligi baspasóz qyzmetiniń habarlamasynda.
Mamandardyń habarlaýynsha, «Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi. Bul jumystar teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asyrylady.