Taksı qyzmetiniń baǵasy bir jylda 7 paıyzǵa ósken.
2022 jyldyń qańtarynda taksı qyzmetin 161,5 mln jolaýshy paıdalandy, bul bir jyl burynǵydan 16,6%-ǵa artyq, dep habarlaıdy Almaty-akshamy.kz Energyprom.kz saıtyna silteme jasap.
Aǵymdaǵy jyldyń 22 aqpanyndaǵy jaǵdaı boıynsha taksı qyzmetiniń qymbattyǵy jónindegi elder reıtıńinde 1 km esep boıynsha Qazaqstan 108 eldiń ishinde 96-shy oryndy ıelendi.
1 saǵat kútý kórsetkishi boıynsha Qazaqstan reıtıńte 89-shy orynda tur. Elimizde standartty tarıf boıynsha taksımen 1 shaqyrym júrý quny ortasha eseppen 0,35 AQSH dollaryn, 1 saǵat kútý quny 3,5 AQSH dollaryn qurady.
Taksımen 1 km júrýdiń eń qymbat tarıfi Shveısarıada (4,15 dollar), Japonıada (3,49 dollar) jáne Salvadorda (3 dollar). 1 saǵat kútýdiń eń qymbat baǵasy Shveısarıada (75,33 dollar), Danıada (64,46 dollar) jáne Islandıada (63,23 dollar).
Reıtıńke qatysýshy TMD elderiniń ishinde 1 km-ge júrý baǵasy, Qazaqstan Respýblıkasyna qaraǵanda, tek Ázirbaıjanda ǵana joǵary, 1 saǵat kútý boıynsha tarıfter Reseı men Belarýste qymbat.
Qazaqstan Respýblıkasyna qaraǵanda, kez kelgen parametrler boıynsha arzanyraq taksı qyzmeti Ýkraına, Moldova, Armenıa jáne Ózbekstanda eken.
Aǵymdaǵy jyldyń qańtar aıynyń qorytyndysy boıynsha, Qazaqstandaǵy taksı tarıfteri BNS ASPIR RK derekteri boıynsha bir jyl ishinde 7,1%-ǵa ósti.
Baǵanyń qymbattaýy Túrkistan oblysynyń turǵyndaryna (birden – jylyna 28,2%) sezildi. Taksı baǵasy qymbat aımaqtar úshtigine Qostanaı (plús 16,5%) men Mańǵystaý (14,7%) oblystary da kirdi.
Baǵanyń eń az ósimi Batys Qazaqstan oblysynda (jylyna nebári 0,8%-ǵa) tirkeldi, al basqa 17 óńirdiń taǵy 2 óńirinde – elordada jáne Atyraý oblysynda – bul sektordaǵy baǵa jyl ishinde ózgergen joq.
Aǵymdaǵy jyldyń qańtar aıynda taksımen tasymaldaýdan túsken kiris 324,7 mln.teńgeni qurady, bul bir jyl burynǵydan 25,1%-ǵa artyq.
Sala boıynsha eń joǵary tabys Qaraǵandy oblysynda tirkeldi: 142,2 mln teńge. Bul kórsetkish boıynsha alǵashqy úsh aımaqqa elorda men Almaty da kirdi.
Aımaqtyq turǵydan taksı qyzmetin paıdalanatyn jolaýshylardyń basym bóligi Almaty qalasynda boldy: 58,9 mln adam, plús jylyna 6,9%. Úzdik úshtikke Jambyl jáne Shyǵys Qazaqstan oblystary da kirse, Aqmola oblysy aýtsaıder retinde baıqaldy.
