Jańa salyq erejesi engizilgen jaǵdaıda, bul salanyń bolashaǵy kúmán týdyrady dep sarapshylar dabyl qaǵýda.
Qazirgi tańda kásipkerler 4 paıyzdyq salyq tólep kelse, jańa talap boıynsha bul kórsetkish 16 paıyzǵa deıin ósýi yqtımal, dep habarlaıdy aqshamnews.kz.
Mundaı júktemege tótep berý múmkin emes ekenin aıtqan tasymaldaý salasynyń ókilderi, elimizdegi 300-ge jýyq taksopark jabylý qaýpinde turǵanyn alǵa tartady.
Mysaly, kólikti bir kúnge jalǵa alý quny qazir 12 myń teńge bolsa, salyqtyń artýyna baılanysty bul baǵa 22 myń teńgege deıin kóterilýi múmkin. Óz kezeginde, taksı júrgizýshileri bul shyǵyndy óteý úshin tasymal qunyn arttyrýǵa májbúr bolady, nátıjesinde kóleńkeli bızneske bet burýshylar sany ósýi yqtımal.
Baǵanyń sharyqtaýy, eń aldymen, qarapaıym halyqqa aýyr tıedi. Qazirgi tańda Qazaqstanda 100 myńnan astam azamat taksı jáne kýrerlik qyzmette jumys isteıdi. Eger bul saladaǵy salyqtyq ózgerister iske assa, kóptegen júrgizýshiler men tasymaldaý kompanıalary jumysyn toqtatýy múmkin, al bul el ekonomıkasyna da, turǵyndardyń kúndelikti ómirine de eleýli áser etpek.