Barlyq óńirlerde BA.1 «Omıkron» shtamy 98,6 %-da anyqtaldy
Júrgizilgen PTR skrınıngtiń qorytyndysy boıynsha elimizde koronavırýs ınfeksıasy shtamdarynyń túrli nusqalarynyń aınalymy anyqtaldy. «Omıkron shtamm» barlyq óńirlerden anyqtaldy, onyń ishinde 12 óńirden «stels-omıkron» tabyldy, dep habarlaıdy Almaty-akshamy.kz.
QR Densaýlyq saqtaý mınıstrliginiń habarlaýynsha, 2022 jyldyń sáýir-mamyr aılarynda júrgizilgen PTR skrınıngtiń qorytyndysy boıynsha elimizde koronavırýs ınfeksıasy shtamdarynyń túrli nusqalarynyń aınalymy anyqtaldy. Barlyq óńirlerde BA.1 «Omıkron» shtamy 98,6 %-da anyqtaldy, onyń ishinde 12 óńirde BA.2 «Stels-Omıkron» shtamy 36,7%-da anyqtaldy.
Sondaı-aq, B. 1.617-like Delta shtamy aınalymda júr jáne zertteletin synamalar sanynyń 1,4%-yn quraıdy.
PTR skrınıng nátıjelerin rastaý úshin tolyq genomdyq sekvenırleý júrgiziledi, ol aǵymdaǵy aıdyń sońyna qaraı aıaqtalady.
Epıdemıologıalyq jaǵdaı turaqtanǵanyna qaramastan, Mınıstrlik koronavırýs ınfeksıasyna qarsy vaksınasıany, revaksınasıany ýaqtyly júrgizýdi usynady.
«Alty aı buryn jáne odan da kóp ýaqyt buryn vaksınasıa kýrsyn alǵan adamdar revaksınasıalaýǵa jatatynyn esterińizge salamyz. Qazirgi ýaqytta Qazaqstanda KVI-ǵa qarsy vaksınasıalaý jáne revaksınasıalaý úshin halyqqa vaksınalardyń úsh túri (Pfaızer, Sınofarm jáne KazVak) qoljetimdi, olardyń ekeýin Dúnıejúzilik densaýlyq saqtaý uıymy maquldaǵan»,-delingen habarlamada.