Qazaqstanda janýarlardy sırkte qoldanýǵa tyıym salý jáne zooparkterdi kezeń-kezeńimen janýarlarǵa arnalǵan panalaý oryndaryna nemese sanktýarıılerge aınaldyrý týraly onlaın-petısıa paıda boldy, - dep habarlaıdy Aqshamnews.kz.
Petısıa avtorlarynyń aıtýynsha, mundaı mekemeler kóńil kóterý quraly emes, janýarlardy qorǵaý jáne ońaltý ortalyqtaryna aınalýy tıis.
«Janýarlardy úıretý men olardy sırkte oınatýǵa tolyq tyıym salýdy, jańa zooparkterdiń qurylysyn toqtatý týraly moratorıı engizýdi, 3–5 jyl ishinde janýarlardy arnaıy otandyq jáne halyqaralyq prıýttarǵa tapsyrýdy, sonymen qatar sırk pen zoopark qyzmetkerlerin qaıta daıarlaýǵa qoldaý kórsetýdi suraımyz», — delingen petısıa mátininde.
Inısıatorlar álemdik tájirıbege súıenedi: Eýropanyń kóptegen elderinde jabaıy janýarlardyń sırkte óner kórsetýi áldeqashan tyıym salynǵan, al dástúrli zooparkterdi birtindep gýmanısik úlgidegi mekemeler almastyryp jatyr.
Qoǵam belsendileri janýarlardyń erkindigin shekteıtin jáne olardy tabıǵı mekeninen ajyratatyn oıyn-saýyq ındýstrıasyna qoǵam tarapynan qaıta baǵa beriletin ýaqyt jetti dep esepteıdi.