Almatylyq "Qaırattyń" shabýylshysy Dastan Sátpaev Madrıdtik "Realmen" ótken Chempıondar lıgasy oıynynan keıin komandaǵa ne jetpegenin aıtty, dep habarlaıdy Aqshamnews.kz tilshisi
Bul týraly 17 jastaǵy výnderkınd machtan keıingi suhbatynda málimdedi.
"Meniń oıymsha, fızıkanyń da áseri bar bolýy múmkin. Biraq eń bastysy bizge halyqaralyq tájirıbe jetispedi. Biz mundaı deńgeıdegi myqty qarsylastarmen jıi oınamaımyz. Sondyqtan menińshe bizge tájirıbe ǵana jetpegendeı kórindi", - dedi Sátpaev Qazsport arnasyndaǵy machtan keıingi suhbatynda.
Almatyda ótken tarıhı kezdesýde "Qaırat" madrıdtik klýbqa qarsy alańǵa shyqty. Nátıjesinde qazaqstandyq komanda bes jaýapsyz gol jiberdi.
17 jastaǵy forvard machta 80 mınýt oınady. Sońǵy 10 mınýtta onyń ornyna brazılıalyq shabýylshy Rıkardıno shyqty. Sátpaev oıyn barysynda 3 soqqy jasady (1 - qaqpaǵa dál), 10 pas (7 - dál). Degenmen ol 5,7 upaımen "Qaırat" sapyndaǵy eń tómen baǵa alǵan oıynshy boldy. Qysqasy, Ortalyq stadıondaǵy tarıhı machta Dastannyń oıyny júrmedi.
skrınshot: flashscorekz.com