Qazaqstanda sıntetıkalyq esirtki saqtaǵandarǵa jaza kúsheıdi. Qylmyskerler bir gram úshin birden temir tordyń arǵy jaǵynan shyǵady dep habarlaıdy almaty-akshamy.kz
Buǵan deıin esirtkiniń qylmystyq mólsheri 3 gramnan bastalatyn. Oǵan qosa, tyıym salynǵan psıhotropty zattar men esirtki sany ulǵaıǵan. Sebebi sanany ýlaıtyn esirtkiniń jańa túrine áýes jastar kóbeıip barady. Qazir ınternettegi kóleńkeli saýda qyzyp tur.
Esirtki tasyp, ýádeli jerge jasyrǵany úshin kýrerler 10 jylǵa deıin bas bostandyǵynan aıyrylýy múmkin. Oǵan qosa múlki de tárkilenedi. Sol úshin ómir boıy qapasqa qamalǵandar da bar.
Jalpy, jyl basynan beri Qazaqstanda sıntetıkalyq esirtki óndiretin 11 jasyryn zerthana anyqtalǵan. Mundaı zerthanalarda túrli formýlanyń kómegimen sıntetıkalyq esirtkiniń balamasy ázirlenedi. Tártip saqshylary jańa túrin anyqtaı sala, dereý olardy tyıym salynǵan esirtki men psıhotropty zattardyń tizimine engizedi. Búginde bul tizimde 29 ataýy bar.