QR Eńbek jáne halyqty áleýmettik qorǵaý mınıstrligi 8 jańa kásibı merekeni bekitýdi josparlap otyr.
Vedomstvo basshysy buıryǵynyń tıisti jobasy daıyndalyp, «Ashyq NQA» portalynda ornalastyryldy, dep habarlaıdy Almaty-akshamy.kz.
Atap aıtqanda, kásibı merekelerdiń tizbesin myna aıtýly kúndermen tolyqtyrý kózdeledi:
- Memlekettik qyzmet kórsetý salasyndaǵy qyzmetkerler kúni – 7 sáýir;
- Turǵyn úı-kommýnaldyq sharýashylyǵy salasynyń qyzmetkerleri kúni – 16 sáýir;
- Metrologıa qyzmetkerleriniń kúni – 20 mamyr;
- Veterınarıalyq qyzmetker kúni – 10 shilde;
- Ańshylyq sharýashylyǵy qyzmetkeriniń kúni – qyrkúıektiń birinshi senbisi;
- Qazaqstan Respýblıkasynyń Joǵary bilim berý qyzmetkerleri kúni – 1 qazan;
- Standarttaý qyzmetkerleriniń kúni – 14 qazan;
- Sybaılas jemqorlyqqa qarsy qyzmet organdarynyń kúni – 18 qarasha.
Jańa kásibı merekelerdi engizý týraly usynystarǵa tıisti qyzmet salalarynyń ýákiletti memlekettik organdary bastama jasady.
QR Eńbek jáne halyqty áleýmettik qorǵaý mınıstriniń «Kásibı merekeler tizbesin bekitý týraly» Qazaqstan Respýblıkasy Premer-Mınıstriniń orynbasary - Eńbek jáne halyqty áleýmettik qorǵaý mınıstriniń 2023 jylǵy 29 maýsymdaǵy № 258 buıryǵyna tolyqtyrýlar engizý týraly» buıryǵynyń jobasymen myna silteme boıynsha tanysýǵa bolady https://legalacts.egov.kz/npa/view?id=15008211.