Bul suraqqa QR Densaýlyq saqtaý mınıstri Alekseı Soı jaýap berdi.
Elimizde revaksınasıa merzimi belgili boldy, dep habarlaıdy Almaty-akshamy.kz
«Revaksınasıanyń bastalýy 2021 jylǵy qarashanyń III onkúndiginen bastalady. Revaksınasıalaýǵa jatatyn negizinen táýekel toptary (medısına mamandary, pedagogtar, jergilikti ózin-ózi basqarý jáne jabyq mekemelerdiń qyzmetkerleri, sondaı-aq qarýly kúsh qurylymdarynyń qyzmetkerleri). Sonymen qatar 60 jastan asqan jáne ózdiginen zertteýden ótken jáne KVI-ǵa qarsy antıdenelerge teris test nátıjesi bar jandar», - dep jazdy Alekseı Soı óziniń Facebook paraqshasynda.
Onyń aıtýynsha, revaksınasıa úshin vaksınanyń 1 ǵana dozasy paıdalanylady. Aıta keteıik, keıbir vaksınalar adam ómirinde bir ret qana jasalsa jetkilikti, al keıbir vaksınalar belgili bir ýaqyt ótkende kúshi qaıtýy sebepti qaıta egip turý, ıaǵnı revaksınalaý kerek.