Qazaqstanda sońǵy birneshe jylda uldar men qyzdar arasyndaǵy týý statısıkasynda ózgerister baıqalýda. Ulttyq statısıka búrosynyń málimetterine sáıkes, bıylǵy jyldyń alǵashqy toǵyz aıynda uldardyń sany qyzdarǵa qaraǵanda 10 myńǵa kóp boldy. Osylaısha, Qazaqstanda uldar qyzdarǵa qaraǵanda kóbirek týylýda, dep habarlaıdy aqshamnews.kz.
2024 jyldyń qańtarynan qyrkúıek aıyna deıin respýblıka boıynsha 278 698 náreste dúnıege keldi, olardyń 144 015-i ul bolsa, al 134 683-i qyz bolǵan. Bul derekter boıynsha, Qazaqstanda 100 qyzǵa 105 ul sáıkes keledi degendi bildiredi. Tolyqtyrsaq, bıyl bes myńnan astam egizder men júzge jýyq úshemder dúnıege kelgen.
Demografıalyq sarapshylardyń aıtýynsha, uldardyń sanynyń kóp bolýy, eń aldymen, bıologıalyq faktorlarǵa baılanysty bolsa da, áleýmettik máseleler de mańyzdy ról atqarady. Statısıka boıynsha, Qazaqstannyń Túrkistan, Mańǵystaý oblystary jáne Shymkent qalasy týylǵan balalar sany boıynsha kósh bastap tur.
Sonymen qatar, sarapshylar er adamdardyń jastarynyń ósýine baılanysty kárilik kezeńine jaqyndaǵanda áıelderge qaraǵanda ólim kórsetkishi joǵary ekenin atap ótti.
"40 jastan asqan er adamdar arasynda ólim deńgeıi qyzdarǵa qaraǵanda joǵary. Bul ásirese júrek-qan tamyrlary aýrýlary, rak aýrýlary, jol-kólik oqıǵalary, ózin-ózi óltirý jáne kisi óltirý jaǵdaılaryna baılanysty", – dep túsindirdi QR Ulttyq statısıka búrosynyń mamany Bıbigúl Mırasbek.
Qazaqstandaǵy er adamdardyń óliminiń joǵary deńgeıi olardyń densaýlyǵyna qatysty birqatar máselelerdi, sonyń ishinde júrek-qan tamyrlary aýrýlary men qaterli isikterdi qamtıdy. Bul áleýmettik jaǵdaılar men salamatty ómir saltynyń mańyzdylyǵyn kórsetedi.