Otandyq jáne syrtqy týrızm salasy koronavırýs pandemıasynan keıin qalpyna kelip jatyr.
Sarapshylardyń aıtýynsha, aldaǵy qysta byltyrmen salystyrǵanda demalýǵa baratyndar sany áldeqaıda kóp bolmaq, dep habarlaıdy Almaty-akshamy.kz «Habar 24» saıtyna silteme jasap.
Biri otandyq kýrorttardy tańdasa, basqasy shetel asyp, jyly aımaqtarda tynyqqandy jón kóredi. Shekteýler joıylyp, Qazaqstanǵa vızasyz keletin elder tizimi ulǵaıdy. Sonyń arqasynda sheteldik týrıser aǵyny ulǵaıady degen boljamdar bar. Danıar Saǵymbaev 10 jyl buryn elorda irgesindegi Qosshy qalasynda demalys ortalyǵyn ashqan. Qazir ol jumysshylarymen birge qysqy maýsymǵa daıyndalyp jatyr. Kásipkerdiń aıtýynsha, munda tek qazaqstandyqtar ǵana emes, sheteldik týrıser de kóp keledi. Óıtkeni olar bizdiń tabıǵatqa jáne qysqy sport túrlerine qatty qyzyǵady.
«Bizde qysqy oıyndar kóp, haskımen shańǵy tebedi, hokeı oınaıdy, atpen shabady. Kóbine Germanıanyń adamdary keledi. Osynda kelip, olar ábden qysqy oıyndardy oınap alady», - Demalys ortalyǵynyń dırektory Danıar Saǵymbaev.
Bıyl otandyq qysqy kýrorttar Úndistan, Birikken Arab Ámirlikteri, Bahreın syndy memleketterden týrıserdi kútip otyr. Óıtkeni «Qazaq týrızm» kompanıasy 10 shaqty halyqaralyq kórmege qatysyp, elimizdiń demalys oryndaryn aıtarlyqtaı jarnamalap, tıisti kelisim sharttar jasasty. Sheteldikter negizinen Almaty óńirindegi taý-shańǵy kýrorttaryna keledi. Memleket mundaǵy demalys ortalyqtaryn qoldap, keıbir shyǵyndaryn óteýdi kózdep otyr.
«Taý kýrorttaryn ustaý úshin jabdyqtar óte qymbat. Sonyń 20% memleket tarapynan óteý qarastyrylǵan. Endi jabdyqtardy jańartý kerek. Qaýipsizdik máselesi de bar. Road trak degen degen úlken jabdyqtar bar. Sonyń bári qysqy týrızmdi damytýǵa septigin tıgizedi», - deıdi "Kazakh tourism" UK baspasóz hatshysy Ernur Kenjebekov.
Shekaralar ashylǵandyqtan, qazaqstandyqtar da shetelge baryp belsendi demalyp jatyr. Qazir syrtqy týrızmde aı saıyn jańa baǵyttar ashylyp jatqanyn baıqaýǵa bolady. Mysaly, endi Astana men Almaty qalalarynan Vetnam eline tikeleı reıspen ushýǵa bolady.
«Qys kezinde qazaqstandyqtar Ońtústik Azıa elderine barǵandy unatady. Taıland, Vetnam syndy baǵyttar joǵary suranysqa ıe. Bul memleketterge tikeleı reıster bar. Bizdiń týrıser Egıpet, Túrkıa, Maldıv araldarynyń kýrorttaryn da jaqsy kóretini belgili. Jalpy qazaqstandyqtar sýyq mezgilde jyly jaqqa barýǵa áýes», - dedi Týrısik agenttiktiń menedjeri Janar Syzdyqova.
Týrısik kompanıa mamandarynyń aıtýynsha, qazir sheteldik týrlardyń quny qoljetimdi. Tek mektep demalysy men jańa jyl qarsańynda ǵana ósimdi baıqaýǵa bolady. Al otandyq demalys oryndaryndaǵy 1-2 kúndik demalys quny qazaqstandyqtardy jıi tań qaldyrady. Kóbi bizdegi qyzmet kórsetý sapasy bul baǵaǵa turmaıdy dep esepteıdi.