Qant ımportyna kvotalardy bólý tártibi ózgertildi
QR Aýyl sharýashylyǵy mınıstriniń 2022 jylǵy 5 shildedegi buıryǵymen elge qant ımportyna arnalǵan kvotany 250-den 350 myń tonnaǵa deıin ulǵaıtý belgilendi, dep habarlaıdy Almaty-akshamy.kz.
Sonymen qatar osy buıryqpen qant kvotasy 2022 jyldyń 31 qazanyn qosa alǵanda uzartyldy. Oǵan qosa qant ımportyna kvotalardy bólý tártibi ózgertildi.
Qujatqa saı, kvotalardy bólýge qatysýǵa ótinimder qabyldanady:
bólingen kvotadan 85% mólsherinde – ótinish berýshiler-qant zaýyttary arasynda ónerkásiptik óńdeýge arnalǵan shıki quraq qantty jáne tek qana ishki naryqta satýǵa arnalǵan aq qantty ımporttaý úshin;
bólingen kvotadan 15% mólsherinde – ótinish berýshiler arasynda quramynda qant bar ónimderdi óndirýge arnalǵan aq qanttyń («qosymsha» sanaty) ımporty úshin.
Bir ótinish berýshi qant zaýytyna 30 000 tonnadan aspaıtyn lımıt belgilendi.
Qant ımportyna kvotalardy alǵan ótinish berýshiler 2022 jylǵy 14 shildege deıin ýákiletti organǵa bólingen kvotanyń naqty ıgerilgeni týraly rastaý hatyn jiberedi. Kelisimshart qunynyń keminde 15%-yn tóleýge tólem qujatynyń kóshirmesi bolmaǵan jaǵdaıda ýákiletti organ buryn bólingen kvotany joıady, – delingen buıryqta.
Buıryq resmı jarıalanǵan kúninen keıin qoldanysqa engiziledi jáne 2021 jylǵy 20 jeltoqsanda týyndaǵan quqyqtyq qatynastarǵa qoldanylady.