Densaýlyq saqtaý mınıstri Ajar Ǵınıat medısınalyq qyzmet kórsetýdi júzege asyrý, sondaı-aq jazǵy kanıkýl kezeńinde balalardyń saýyqtyrý demalysy, bos ýaqyty jáne jumyspen qamtý uıymdarynda bolý jaǵdaılarynyń qaýipsizdigine sanıtarıalyq-epıdemıologıalyq baqylaýdy uıymdastyrý týraly aıtty, - dep habarlaıdy Almaty-akshamy.kz.
Úkimet otyrysynda sóz sóıleý barysynda mınıstr ákimdikterdiń málimetinshe, bıyl jazǵy maýsymda 12 myńǵa jýyq lager, onyń ishinde 11 myńnan asa mektep janyndaǵy lager, 236-ǵa jýyq qala mańyndaǵy saýyqtyrý lagerin (onyń ishinde 18 jyl boıy jáne 218 maýsymdyq) ashý josparlanǵanyn, olardyń bazasynda 1 mıllıon 600 myńnan asa bala saýyqtyrylatynyn aıtty.
"MSAK deńgeıinde baratyn balalardy medısınalyq tekserý, onyń ishinde ımýndyq mártebesin, densaýlyq jaǵdaıy týraly anyqtamalar bere otyryp, ınfeksıalyq naýqastarmen baılanysynyń joqtyǵyn tekserý uıymdastyrylady. Qala mańyndaǵy lagerlerde 400-ge jýyq medısına qyzmetkeri medısınalyq qyzmet kórsetedi", - dedi vedomstvo basshysy.