2025 jyldyń 1 qańtarynan bastap elimizde «Ustaz» pedagogtiń úzdiksiz kásibı damý ulttyq platformasyn kezeń-kezeńimen engizý bastaldy.
Bul platforma atestattaý prosesin avtomattandyrýǵa jáne ony ashyq ári ádil etýge múmkindik beredi, dep habarlaıdy aqshamnews.kz.
Oqý-aǵartý mınıstrliginiń málimetinshe, qazirgi ýaqytta platformada «pedagog-moderator» jáne «pedagog-ekspert» biliktilik sanattaryn alý nemese rastaý úshin úmitker pedagogterdi atestattaýdyń birinshi kezeńi ótýde.
Árbir atestattalatyn pedagog úshin jeke kabınet ashylady, onda sabaqtardy baqylaý nátıjeleri, oqýshylardyń úlgerim deńgeıi, pedagogıkalyq qoǵamdastyqtaǵy kásibı jetistikteri men belsendiligi tirkeledi. Bul atestattaý prosesin júıeli baqylaýǵa múmkindik beredi jáne onyń ashyq ári obektıvti bolýyn qamtamasyz etedi.
«Ustaz» platformasy atestattaýdy avtomattandyrý arqyly baǵalaýdyń negizgi qaǵıdattaryn — dáldik, senimdilik pen obektıvtilikti saqtaı otyryp, jeke adam kózqarasyna negizdelgen baǵalaýdy joıýǵa kómektesedi. Bul júıe muǵalimderge óz qyzmetin taldaýǵa jáne únemi jetildirýge múmkindik beredi, sondaı-aq sabaqtar men bilim berý is-sharalaryn baqylaý prosesin jeńildetedi.
2025 jyly platforma arqyly 150 myńnan astam qazaqstandyq pedagog atestattaýdan ótedi dep kútilýde.