Zańnyń 12-babyna jańa tarmaqshalar engizý usynylady
Ashyq NQA saıtynda saılaý týraly QR Konstıtýsıalyq zańyna ózgerister engizý jobasy jarıalandy, dep habarlaıdy Almaty-akshamy.kz. Zańnyń 12-babyna jańa tarmaqshalar engizý usynylady, osylaısha QR Ortalyq saılaý komısıasyna qoǵamdyq birlestikter men komersıalyq emes uıymdardy akredıtteý tártibin ázirleý jáne bekitý ókilettikteri beriledi. Sonymen birge, Ortalyq saılaý komısıasy saılaýdy, referendýmdy daıyndaý men ótkizý kezeńinde saılaý komısıalaryn uıymdastyrý men olardyń qyzmeti úshin qajetti taýarlardy, jumystar men kórsetiletin qyzmetterdi satyp alý qaǵıdalaryn ázirlep, bekitetin bolady. Áleýmettik jelide qoǵam qaıratkerleri bul túzetýler táýelsiz baqylaýshylardy, onyń ishinde sheteldik uıymdardan qarjylanatyn baqylaýshylardy úkimettik emes uıymdardan kýálik alýǵa májbúr etedi dep alańdap otyr. Onyń kópshiligi tek qaǵaz júzinde ǵana bar jáne buryn-sońdy affılırlenbegen azamattar arasynan táýelsiz baqylaýshylardy jaldaý naýqanyn júrgizbegen. Qazir kez kelgen qoǵamdyq uıym saılaýdy baqylaı alatyn bolsa, endi jarǵyda tıisti tarmaǵy bar uıymdar ǵana baqylaýǵa jiberiledi.
«Tek tájirıbesi bar jáne onymen kásibı túrde aınalysatyn uıymdardy ǵana baqylaýǵa alý tártibi burynnan bar. Al shetelden qarjylanatyn ÚEU akredıtasıalaý máselesi pikirtalas týdyryp otyr. Táýelsiz baqylaýshylar – saılaý prosesiniń óte mańyzdy bóligi jáne saılaýdy baqylaý shynymen beıtarap bolýy kerek jáne esh jaǵdaıda sheteldik qarjylandyrýǵa da, úkimetke de, jeke tulǵaǵa da táýeldi bolmaýy kerek. Biz bul normalardy Májiliste zań jobasy boıynsha jumys kezinde talqylap, túsinikteme beremiz», - dedi QR Parlamenti Májilisiniń Zańnama jáne sot-quqyqtyq reforma komıtetiniń hatshysy Snejanna Imasheva.
Saıttaǵy qoǵamdyq talqylaý 28 shildege deıin jalǵasady. Osydan keıin ǵana zań jobasy QR Parlamenti Májilisine túsedi.