Quramynda B. Torǵaev, J. Súleımenova, S. Adambaev, A. Sarym, A. Platonov, Q. Nýrov jáne M. Ahmetov bar Májilis depýtattarynyń tobymen kezdesýde Nur Otan partıasy Almaty qalalyq fılıalynyń tóraǵasy, megapolıs ákimi Baqytjan Saǵyntaev qala turǵyndaryn tolǵandyratyn ózekti máselelerdi júıeli túrde sheshý barysy týraly habarlady,dep habarlaıdy Almaty-akshamy.kz.
Talqylaý barysynda «Shetsiz qala» qaǵıdaty boıynsha qalalyqtardyń ómir súrý sapasyn jaqsartýǵa baǵyttalǵan jobalardy iske asyrý boıynsha júrgizilip jatqan jumystardyń tıimdiligin arttyrý týraly pikir almasý boldy. Kezdesýde VII shaqyrylǵan Parlament Májilisiniń depýtattary B. Torǵaev, S. Adambaev, Q. Nýrov sóz sóılep, Nur Otan partıasynyń saılaýaldy baǵdarlamasynyń mindetterin júzege asyrýdyń joǵary qarqynyn atap ótti.