Ulttyq bıotehnologıa ortalyǵynyń ǵalymdary elimizde CAR-T terapıalyq tehnologıasyn endirýge nıetti.
Genetıkalyq ınjenerıa zerthanasynyń qyzmetkerleri ol úshin qarasha aıynda Anglıaǵa baryp, sheteldik mamandardyń ozyq tájirıbesin meńgeretin bolady, dep habarlaıdy Almaty-akshamy.kz Qazaqtv.com-ǵa silteme jasap.
Búgingi tańda qannyń qaterli isigi eń kóp taralǵan onkologıalyq aýrýlardyń ondyǵyna kiredi. Mundaı gematologıalyq aýrýlaryn emdeýdiń negizgi ádisi hımıoterapıa. Keıbir jaǵdaılarda naýqastarǵa jasýsha transplantasıasy jasalady. Alaıda, emniń bul túri bárine birdeı shıpa bolmaıtyny anyq. Dert asqynǵan saıyn dástúrli emdeý ádisterine boı bermeıdi. Dárigerler ondaıda naýqasty emdeýdiń tıimdi amaly retinde CAR-T ımmýnoterapıasyn qoldanady.
«Bul gendik-ınjenerlik tehnologıa men jasýshalyq ınjenerıanyń gıbrıdi, ıaǵnı qosyndysy. Biz pasıentten ımýndyq jasýshalardy alamyz. Keıin olardy arnaıy óńdeýden ótkizip, isik jasýshalarymen kúresip, olardy joıý úshin belsendiligin arttyramyz», - dedi genetıkalyq ınjenerıa zerthanasynyń meńgerýshisi Aleksandr Shýstov.
Buǵan deıin eldegi Ulttyq bıotehnologıa ortalyǵynyń zerthanasynda uzaq merzimdi klınıkalyq zertteý jumystary júrgiziledi. Jańa terapıa aldymen «Invıtora» jasýshalarynda, keıin janýarlarda, eń sońynda ǵana baryp naýqastarda synalady.
Qazaqstanda búginde qan túzýshi jáne lımfa tinderiniń dertine shaldyqqan jeti myńǵa jýyq naýqas esepte tur. Iaǵnı, qaterli qan isigi bar adamdar. Jyl saıyn myńnan astam jańa jaǵdaı anyqtalady. Naýqastardyń deni aýrýynan aıyǵyp shyǵady. Deıturǵanmen olardyń besten bir bóligi CAR-t tehnologıasy boıynsha emdeýdi qajet etedi.
Sarapshylardyń paıymynsha, bolashaqta bul joǵary tehnologıalyq terapıa qaterli isik gematologıalyq aýrýlarymen qatar sozylmaly, aýtoımmýndy jáne juqpaly dertterdi emdeý úshin de qoldanylady. Iaǵnı, onyń emdik aıasy áldeqaıda keń.