Tıisti buıryq «Qazaqstannyń normatıvtik quqyqtyq aktileriniń elektrondyq túrdegi standartty baqylaý banki» portalynda jarıalandy.
Indýstrıa jáne qurylys mınıstriniń 2023 jylǵy 29 jeltoqsandaǵy buıryǵymen Qazaqstanǵa 6 aı merzimge oń rúldi kólikterdi ákelýge tyıym salyndy.
Vedomstvonyń málimetinshe, buıryq «Saýda qyzmetin retteý týraly» zańnyń 17 jáne 18-baptaryna, sondaı-aq Eýrazıalyq ekonomıkalyq odaq týraly sharttyń 29 jáne 47-baptaryna sáıkes qabyldanǵan.
«Qazaqstan Respýblıkasynyń aýmaǵyna oń jaq rúldi bólshektelgen jeńil avtokólikterdi alty aı merzimge deıin ákelýge tyıym salynsyn», delingen qujatta.
Buıryq alǵashqy resmı jarıalanǵan kúninen keıin kúntizbelik on kún ótken soń, ıaǵnı 2024 jylǵy 16 qańtardan bastap qoldanysqa engiziledi.
Esterińizge sala keteıik, ótken jyldyń tamyz aıynan bastap Qazaqstanǵa oń rúldi kólikterdi ákelýge tyıym salýdy engizý máselesi qarastyrylǵan.
Aıta keteıik, 2007 jyldan beri Qazaqstanda oń rúldi kólikterdi tirkeýge tyıym salynǵanymen, olardy paıdalanýǵa tyıym salynbaǵan.
2022 jyldyń jeltoqsanynda 2022 jyldyń 1 qyrkúıegine deıin shekaradan ótken oń rúldi sheteldik kólikter Qazaqstanda tirkelýi múmkin ekeni belgili boldy. Sheteldik kólikterdi zańdastyrý rásimi bıylǵy jyldyń 1 shildesine deıin sozyldy.