Keıingi bes jyldyń ishinde Qazaqstanda onkologıalyq aýrýlardan bolatyn ólim 20%-ǵa tómendedi.
Mundaı nátıjelerge 2023-2027 jyldarǵa arnalǵan onkologıalyq aýrýlarmen kúres jónindegi keshendi jospardy iske asyrý sheńberinde qol jetkizildi, - dep habarlaıdy Aqshamnews.kz.
Negizgi nátıjeler
* 2025 jyly obyrdyń 42 myńnan astam jańa jaǵdaıy tirkeldi (anyqtaýdy jaqsartýdyk esebinen 5 jyldaǵy ortasha kórsetkishke+7,8%).
* Dınamıkalyq baqylaýda-246 205 pasıent, onyń 55%-dan astamy eńbekke qabiletti jastaǵy adamdar.
* 5 jyl nemese odan da kóp ómir súretin pasıentterdiǵ úlesi 63%-ǵa deıin ósti.
* Erte dıagnostıka deńgeıi 33%-dan asty.
* Ólim 100 myń turǵynǵa shaqqanda 61 jaǵdaıǵa deıin tómendedi.
Ne isteldi
* Onkologıalyq qyzmetke 30,4 mlrd teńge baǵyttaldy.
* 6 jańa syzyqtyq údetkish engizildi, sáýlelik terapıamen qamtý 61%-ǵa jetti.
* Emdeýdiń zamanaýı ádisteri engizildi: adaptıvti jáne 4D-sáýlelik terapıa.
* Qyzylorda men Aqtaýda 2 PET/KT ortalyǵy ashyldy.
* Maqsatty jáne ımýndyq-onkologıalyq preparattarǵa qoljetimdilik keńeıtildi (7 ataý).
* 17 onkologıa ortalyǵynda Gospıtáldyq farmasıa ortalyqtary jumys isteıdi.
* Asqazan-ishek joldarynyń obyryn erte anyqtaý úshin 19 endoskopıalyq saraptama ortalyǵy quryldy.
Aldyn alý jáne qol jetimdilik
* Onkoskrınıngter barlyq saqtandyrylmaǵan halyqqa qoljetimdi.
* 2026 jyldan bastap tómen dozaly KT jáne JI qoldaný arqyly ókpe obyrynyń pılottyq skrınıngi bastalady.
* Shalǵaı óńirlerde jyljymaly medısınalyq keshender jumys isteıdi, olardyń jelisi keńeıip keledi.
Kadrlar jáne halyqaralyq tájirıbe
* Túrkıa, Qytaı, Reseı, Ózbekstan, Ázirbaıjan jáne Qyrǵyzstannyń jetekshi onkologıa ortalyqtarymen yntymaqtastyq ornatyldy.
* 35 maman shetelde oqýdan jáne taǵylymdamadan ótti.
Keshendi jospardy iske asyrý aldyn alý men erte anyqtaýdan bastap joǵary tehnologıalyq emdeýmen jáne dári-dármekpen qamtamasyz etýge deıingi júıeli tásildi qurýǵa múmkindik berdi.