Qazaqstandyq sportshylardyń XXV qysqy Olımpıada oıyndaryna arnalǵan kıim-keshekter jıyntyǵy 22 ataýdy qamtıdy. Bul týraly QR týrızm jáne sport mınıstri Erbol Myrzabosynov Úkimet otyrysynda málimdedi, - dep habarlaıdy Aqshamnews.kz.
Mınıstr tehnıkalyq talaptardy, maketterdi jáne jetkiziletin sporttyq kıim-keshekti baqylaýdy úılestirý maqsatynda Ulttyq Olımpıada komıteti, vedimistik baǵynysty uıymdar ókilderiniń, sondaı-aq belgili sportshylardyń qatysýymen jumys komısıasy qurylǵanyn atap ótti. Komısıa sporttyq kıim-keshektiń eskızin bekitti, qazir ol Halyqaralyq Olımpıada komıtetimen kelisilýde. Kıim-keshek jıyntyǵyna sportshylardyń ashylý jáne jabylý saltanatyna qatysýǵa arnalǵan kıim formasy, sondaı-aq sporttyq is-shara kezinde paıdalanýǵa arnalǵan jyly syrt kıim kiredi. Sondaı-aq sporttyq jattyǵýlarǵa, dene qyzdyrýǵa jáne kúndelikti qoldaný úshin sportshylarǵa arnalǵan jattyǵý jáne kúndelikti kıimder kiredi.
«Jalpy, sporttyq kıim-keshekter jıyntyǵy 22 ataýdy qamtıdy. Forma búdjetten tys qarajat esebinen satyp alyndy», - dedi Erbol Myrzabosynov.