«Bul rette, halyqaralyq qarjy uıymdary, kerisinshe, eki kezeńdi irikteý qajettiligin kórsetedi. İrikteýdiń bul túri konkýrstyń birinshi jáne ekinshi kezeńderinde eń jaqsy tehnıkalyq-tehnologıalyq jáne qarjylyq sheshimderdi tańdaý arqyly jeke seriktesti anyqtaýdyń eń jaqsy tájirıbesi bolyp sanalady. Osylaısha, bul túzetýler sheńberinde MJÁ nysanyn jobalaý men salýdy qamtıtyn barlyq MJÁ jobalaryn eki kezeńdik rásimderge aýystyrý kózdeledi», – dedi Qazaqstandyq memlekettik-jeke menshik áriptestik ortalyǵynyń basshysy.
Budan bólek, túzetýlerde menshikti kapıtal jobasyna ınvestısıalaý jónindegi áleýetti jeke seriktester úshin talaptardy 20%-dan 10%-ǵa deıin tómendetý kózdelgen. Spıkerdiń aıtýynsha, bul túzetý konkýrstarǵa qatysýǵa kedergilerdi azaıtady, óz qarajatynyń úlken kólemin bóle almaıtyn, alaıda josparlanǵan MJÁ jobalaryn iske asyrý úshin quzyreti men múmkindikteri bar kompanıalar úshin naryqqa kirýdi jeńildetedi. Sondaı-aq, áleýetti jekeshe áriptes konkýrstyq rásimder satysynda biliktilik irikteýden ótý úshin osy qarajatty óz shottarynda «qatyrý» qajettiligi alynyp tastaldy. Iaǵnı, bul qarajatty rastaý MJÁ shartyn jasasqannan keıin ǵana qajet.
«Jobalardy ázirleý sapasyn arttyrý úshin MJÁ salasynda konsýltasıalyq jáne saraptamalyq qyzmetter kórsetetin uıymdardy akredıtteý engiziledi. Rásimniń baǵalaý sıpatyn qospaǵanda, akredıtteýdi Ulttyq ekonomıka mınıstrligi ózi bekitetin talaptarǵa sáıkes júzege asyrady. Jobalardy josparlaý merzimderin jáne memlekettik búdjettiń rásimderdi ońtaılandyrý jáne úlgilik qujattamany qoldaný esebinen olardy ázirleý men saraptaýǵa arnalǵan shyǵyndaryn qysqartýǵa múmkindik beretin «Baǵdarlamalyq MJÁ» tetigin engizý jónindegi túzetýlerge jeke toqtalǵym keledi. Máselen, salalyq ortalyq memlekettik organdar MJÁ baǵdarlamalyq jasaqtamasynyń kómegimen MJÁ jobalarynyń bazalyq parametrlerin anyqtaı alady. Sondaı-aq olar jeke áriptesti aıqyndaý jáne MJÁ shartyn jasasý qaǵıdalaryn, salalyq erekshelikterdi eskere otyryp, MJÁ-niń tırajdalatyn jobalary boıynsha konkýrs ótkizý úshin daıyn úlgilik qujattar toptamasyn óz betinshe bekite alady», – dedi Aslan Kalıgazın.
Mundaı salalyq erejeler men úlgilik qujattar mektepter, jataqhanalar men emhanalardy salý jáne paıdalaný boıynsha tırajdalatyn jobalardy iske asyrý úshin bekitilgen. Qazirgi ýaqytta bilim berý, densaýlyq saqtaý, halyqty áleýmettik qorǵaý, sport jáne ekologıa salalarynda uqsas qujattar ázirleý jáne kelisý satysynda tur.