Jyl sońyna deıin keshendi jospar nysandarynyń 80%-ine deıin saýda-sattyqqa shyǵarý kózdelgen.
QR Premer-Mınıstriniń orynbasary – Qarjy mınıstri E.K. Jamaýbaev Jekeshelendirýdiń 2021-2025 jyldarǵa arnalǵan keshendi josparynyń oryndalýy jóninde baıandady, dep habarlaıdy Almaty-akshamy.kz QazAqparatqa silteme jasap.
Keshendi jospar memlekettik menshiktegi jáne kvazımemlekettik sektordaǵy 675 nysandy qamtıdy. Oǵan respýblıkalyq menshiktegi 7 nysan, komýnaldyq menshiktegi 250 nysan, ulttyq holdıńter men kompanıalardyń 262 nysany men áleýmettik-kásipkerlik korporasıalardyń 156 obektisi kiredi.
«Bıylǵy 1 jeltoqsandaǵy jaǵdaı boıynsha, keshendi jospardaǵy 675 nysannyń 253-i 141,7 mlrd teńgege básekeles ortaǵa berildi, 60-y qaıta uıymdastyrýǵa jáne taratýǵa jiberildi, 146-sy saýda-sattyqta bolsa, 216 nysan satý aldyndaǵy daıyndyqta tur. Keshendi jospardaǵy satý, qaıta uıymdastyrý jáne taratý prosesterin eskersek, onyń oryndalýy 46%-ti quraıdy. Al Keshendi jospar obektilerin saýda-sattyqqa shyǵarý kórsetkishi 68%-ti qurap otyr», - dedi Qarjy mınıstri búgingi Úkimet otyrysynda.
Keshendi jospardy ýaqytyly jáne tıisinshe oryndaý maqsatynda memlekettik múlik tiziliminiń veb-portalynda árbir nysandy satýǵa shyǵarý sharalaryn ótkizý merzimderi kórsetilgen jol kartalary jarıalandy. Jol kartalary barshaǵa qoljetimdi. Budan basqa, obektilerdi satýǵa shyǵarý merzimderine tásilder belgilendi. Oǵan sáıkes, jyl sońyna deıin keshendi jospar nysandarynyń 80%-ine deıin saýda-sattyqqa shyǵarý kózdelgen. «Qarjy mınıstrligi satý jol kartalary boıynsha is-sharalardyń oryndalýyna turaqty monıtorıń júrgizedi», - dedi E.Jamaýbaev.