Avtomobıl qurastyrýda 15%-ǵa ósim bar.
Qazaqstanda mashına jasaý óndirisi ótken jylǵa qaraǵanda 37 paıyzǵa artqan, dep habarlaıdy Almaty-akshamy.kz Inbusiness.kz silteme jasap.
Mashına óndirisiniń ishinde avtomobıl qurastyrýda 15%-ǵa ósim bar. Astanada eki kún boıy ótetin óńdeý ónerkásibiniń taýarlary qoıylǵan halyqaralyq kórmede bul tehnıkalar kópshilik nazaryna usynyldy.
Bıyl salaǵa tartylǵan ınvestısıa kólemi de 23 paıyzǵa ulǵaıǵan. Jyl basynan elde 700 mlrd teńgege 69 myńǵa jýyq tehnıka shyǵarylypty.
Qazaqstannyń Indýstrıa jáne ınfraqurylymdyq damý mınıstri Qaıyrbek Óskenbaevtyń sózinshe, óńdeý ónerkásibi salasynda áli de ósim bolady. Óıtkeni 160-qa jýyq jańa kásiporyn ashylmaq. Al mashına jasaý isine basa mán beriledi.