Oqý jyly qarsańynda Qazaqstanda kúrdeli jóndeýden keıin 222 mektep ashylatynyn Oqý-aǵartý mınıstrligi málim etti, dep habarlaıdy aqshamnews.kz.
Úkimet otyrysy barysynda oqý-ǵartý mınıstri Ǵanı Beısembaev bilim berý nysandarynyń qazirgi jaǵdaıy týraly baıandady.
Búgingi tańda respýblıka boıynsha 7 859 mektep jumys isteıdi, onyń 6 387-si jaqsy jaǵdaıda. Jambyl, Pavlodar, Aqmola jáne Túrkistan oblystarynda 1290 mektep kúrdeli jóndeýdi qajet etedi.
Sonymen qatar 280 mektepte jaıly oqý jaǵdaıyn jasaý úshin qazirgi ýaqytta jóndeý jumystary júrgizilýde. 222 mektepte kúrdeli jóndeý jumystary oqý jynyń basyna deıin aıaqtalady. Kesteden artta qalý qaýpi Qaraǵandy, Almaty, Soltústik Qazaqstan jáne Shyǵys Qazaqstan oblystarynda, sondaı-aq Almaty qalasynda qosymsha 15 obekt boıynsha anyqtalyp otyr. Sý tasqyny saldarynan zardap shekken bilim berý nysandary boıynsha qalpyna keltirý jumystary júrgizilýde.
«Aýqymdy sý tasqyny saldarynan barlyǵy 40 bilim berý nysany zardap shekti. Búgingi tańda 5 nysan boıynsha qalpyna keltirý jumystary aıaqtaldy. 16 nysan boıynsha jumys júrgizilýde», - dep atap ótti Ǵanı Beısembaev.