Elimizde 1 qazannan bastap adamnyń papıllomavırýsy ınfeksıasyna qarsy vaksınalaý bastalady.
Mamandar jatyr moıny obyrynyń damýyn tejeıtin jalǵyz ádis vaksına ekenin aıtady. Dúnıejúzilik densaýlyq saqtaý uıymynyń usynysymen 135 elde, onyń ishinde Qazaqstanda adamnyń papıllomavırýsy ınfeksıasyna qarsy vaksına Ulttyq egý kúntizbesine engizilgen. Álemdik zertteýler bul ekpeniń qaýipsiz ári tıimdi ekenin kórsetip otyr, dep habarlaıdy aqshamnews.kz.
Densaýlyq saqtaý mınıstrliginiń málimetine súıensek, elimizde kún saıyn eki áıel qaterli isikten kóz jumady.
Jyl saıyn jatyr moıny obyrynyń 1900-ge jýyq jaǵdaıy tirkeledi. Iaǵnı kún saıyn bes adamnan anyqtalady. Ókinishtisi sol, jylyna 600-den astam áıel osy dertten qaıtys bolady. Al mınıstrlik áleýmettik jelilerde atalǵan vaksına jaıly teris aqparattardyń taraǵanyn eskertip, shyndyqqa janaspaıtynyn jetkizdi.