Qazir bul másele pysyqtalyp jatyr
Elimizde koronavırýsqa qarsy vaksına balalarǵa 7 jastan bastap salynýy múmkin. Bul týraly Almaty-akshamy.kz astanatv-ǵa silteme jasap habarlaıdy.
Aıta keteıik, Qazaqstanda balalarǵa koronavırýsqa qarsy Pfizer vaksınasy 12 jastan bastap egilýde. Resmı málimetke sáıkes, jyl basynan beri 7 205 bala aýrýhanaǵa túsken. Infeksıonıst dáriger koronavırýstyń jańa túrleri kóp jaǵdaıda ókpeni emes, qan tamyrlary men ishekti zaqymdaıdy deıdi. Balalar úshin de qaýipti bolǵanyn aıtady.
«Bizdiń konsýltatıvtik komıtet balalardyń egiletin jasyn tómendetýdi qarastyrýda. Biraq bizdiń klınıkalyq hattamalarymyz ben basqa da ınovasıalarymyz árqashan dáleldemelik bazaǵa, halyqaralyq usynystarǵa negizdelgenin bilesiz. Alǵashqy usynystar paıda bolǵannan keıin biz bul máseleni dereý qarastyramyz. Búginde biz osy qujattardyń barlyǵyn zerttep jatyrmyz», - dedi QR Densaýlyq saqtaý mınıstrliginiń shtattan tys bas balalar ınfeksıonısi Dınagúl Baesheva.