Osy arqyly onlaın jınalystar ótkizýge bolady.
Qazaqstan Úkimeti onlaın daýys berý quraldaryn shyǵarýǵa jumys júrgizip jatyr, dep habarlaıdy Almaty-akshamy.kz Ortcom.kz silteme jasap.
«QR «Turǵyn úı qatynastary týraly» zańy aqparattandyrý obektileri arqyly daýys berýge múmkindik beredi», - delingen QR Sıfrlyq damý, ınovasıalar jáne aeroǵarysh ónerkásibi mınıstrliginiń baspasóz habarlamasynda.
TKSH salasy kóp páterli turǵyn úılerdiń kondomınıým obektilerin basqarýdyń jańa nysanyna kóshirý reformasyn iske asyrýdy qajet etedi. Ol úshin kóp páterli úılerdiń turǵyndary jalpy jınalys ótkizip, menshik nysanyn – múlik ıeleriniń birlestigin nemese seriktestikti anyqtaýy qajet.
Alaıda, bul proses qıyn, óıtkeni daýys berý kezinde kóp páterli turǵyn úıdiń páterleri/úı-jaılary ıeleriniń jalpy sanynan 50%-dan astamynyń daýysy tirkelýi kerek, al mundaı daýystardy qysqa merzimde jınaý múmkin emes.
Prosedýralardy jeńildetý úshin sıfrlyq damý, ınovasıalar jáne aeroǵarysh mınıstrligi Indýstrıa jáne ınfraqurylymdyq damý mınıstrligimen birlese otyryp, onlaın daýys berý quraldaryn shyǵarýǵa jumys júrgizýde.
QR «Turǵyn úı qatynastary týraly» zańy aqparattandyrý obektileri arqyly daýys berýge múmkindik beredi.
Búgingi tańda Qazaqstanda «Aula», «e-Knot», «Basqarma» sıaqty aqparattyq júıeler iske asyryldy. Olar onlaın jınalystar ótkizýge jáne daýys jınaýǵa múmkindik beredi.