Kómir quny da, jaz maýsymyna qaramastan, birtindep ósip keledi.
Jylý berý maýsymy bastalmaı jatyp, Qazaqstanda kómir baǵasy ósip keledi, dep habarlaıdy Almaty-akshamy.kz Energyprom.kz caıtyna silteme jasap.
2021 jyldyń alty aıynda kómir óndirý kórsetkishi 162,3 mlrd teńgeden 171,6 teńgege ósken. Bul sala kórsetkishiniń 3,9%-ǵa tómendegenin kórsetip otyr.
2020 jyly 336 mlrd teńgege kómir óndirilgen, ıaǵnı 3,3 paıyzǵa tómen.
Jalpy aıtqanda, kómir óndirisi kóptegen pozısıa boıynsha azaıdy.
Ósim tek energetıkalyq tas kómir salasynda bar – 21,9%, ıaǵnı 6,8 mln tonna. Koksteletin kómir óndirisi 17,9% azaıyp, 4,4 mln tonna bolǵan. Jalpy, kómir óndirisi bir jylda 0,7%, ıaǵnı 50,1 mln tonnaǵa azaıǵan.
Sonymen qatar qońyr kómir óndirisi de 7,5%,ıaǵnı 2 mln tonnaǵa deıin azaıǵan.
Kómir óndirisi azaıǵanymen, baǵasy ósip keledi. 2021 jyldyń maýsym aıyndaǵy qorytyndy boıynsha, tas kómir quny 0,1% ósken, bir jylda bul baǵa 3,8% qymbattaǵan.
Premer-Mınıstr Asqar Mamın básekelestikti qorǵaý jáne damytý agenttigine ákimdiktermen birge kómir baǵasyn erekshe baqylaýǵa alýdy jáne janarmaı baǵasynyń negizsiz ósýine jol bermeý úshin, ásirese, turǵyndar úshin kómirdi satyp alýdy tapsyrdy, dep habarlaıdy Habar24.
Elimizde básekelestikti qorǵaý jáne damytý agenttiginiń aıyrbastaý komıtetiniń ahýaldyq ortalyǵy ashyldy, ol mýnısıpaldyq kómirdi satý kezinde deldaldardyń sanyn azaıtýǵa jáne turǵyndar úshin otynnyń osy túriniń túpkilikti qunyn tómendetýge tıis.
Óz kezeginde, Almaty oblysy boıynsha monopolıaǵa qarsy departamenti komýnaldyq kómir naryǵynda bırjalyq saýda-sattyq boıynsha aımaqtyq operatorlardyń ókilderimen kezdesý ótkizip, aımaqtyq operatorlarǵa taýar bırjasynan kómirdi ýaqytynda satyp alýdy usyndy.
