Eńbek jáne halyqty áleýmettik qorǵaý mınıstrligi memlekettik organdar janynan qurylǵan kásiptik biliktilik jónindegi salalyq keńesterdiń usynystary negizinde 496 kásipti qamtıtyn kásiptik biliktilikti mindetti jáne erikti negizde taný úshin birinshi Kásipter tizilimin qalyptastyrdy.
Qujatpen Career Enbek sıfrlyq platformasynda tanysýǵa bolady, onda kásiptik biliktilikti taný ortalyqtaryn akredıtteý boıynsha jańa fýnksıonal iske qosyldy, dep habarlaıdy Almaty-akshamy.kz.
Ulttyq jáne salalyq biliktilik sheńberleri boıynsha biliktilik deńgeılerin bólýdi eskere otyryp, Qyzmetterdiń ulttyq jikteýishi Tizilimdi qalyptastyrý úshin negiz boldy.
Tizilimge biliktilikti mindetti túrde júzege asyrylatyn 136 kásip jáne biliktilikti erikti negizde taný úshin 360 kásip engizilgen.
Osylaısha, engizilgen júıe, birinshiden, óz quzyretterin naqty baǵalaýǵa, ekinshiden, formaldy nemese balama bilim arqyly alynǵan bilimderin, daǵdylaryn rastaýdy qujattaýǵa múmkindik beredi.
Óz kezeginde, erikti negizde kásiptik biliktilikti tanýdy júzege asyrǵysy keletin uıymdarǵa Career Enbek sıfrlyq platformasynda akredıtteýden ótý múmkindigi qoljetimdi boldy.
«Kásiptik biliktilik týraly» Zańda «Atameken» QR Ulttyq kásipkerler palatasy sertıfıkattaý ortalyǵy bolýdy josparlap otyrǵan uıymdardy akredıtteý tártibi aıqyndalǵan.
Akredıtteý prosesi birneshe kezeńnen turady:
– ótinimdi qabyldaý jáne qaraý;
– usynylǵan qujattardyń saraptamasy;
– ótinish berýshini ornalasqan jeri boıynsha tekserý;
– akredıtteý týraly nemese akredıtteýden bas tartý týraly sheshim qabyldaý;
– akredıtteý atestatyn berý;
– akredıtteýden keıingi shart jasasý.
Taný ortalyqtaryn akredıtteý teorıalyq jáne praktıkalyq emtıhandardy ótkizý úshin tıisti materıaldyq bazanyń, qajetti quraldardyń, jabdyqtalǵan kabınetterdiń jáne t. b. bolýymen atalǵan ortalyqtardyń jumysyn biryńǵaı ádisnamalyq negizde qamtamasyz etýge baǵyttalǵan.
Taný ortalyqtarynyń jumysyn bastaý mansaptyq múmkindikterdiń damýyn qamtamasyz etýdegi mańyzdy qadam bolyp tabylady, al taný ortalyqtaryn akredıtteý jumys berýshiler tarapynan sertıfıkattalǵan qyzmetkerlerge degen senim deńgeıin arttyrýǵa múmkindik beredi.
Kásiptik biliktilikti erikti negizde taný jumys izdeýshilerge eńbek naryǵyndaǵy trendterdi eskere otyryp, tez jáne sapaly jumys tabýǵa, olardyń kásibı deńgeıine sáıkes keletin jalaqy alýǵa, sondaı-aq úlken suranysqa ıe bolý úshin óz daǵdylarynyń deńgeıin únemi arttyrýǵa múmkindik beredi.
Kásipter tizilimi jáne kásiptik biliktilikti taný ortalyqtaryn akredıtteý tártibi týraly tolyq aqparatpen Career Enbek sıfrlyq platformasynda tanysýǵa bolady.