2020 jyly birqatar perspektıvalyq jobalar iske asyrylady.
Ústimizdegi jyly Qazaqstanda Kalashnıkov avtomattary óndirisin iske qosý kózdelip otyr, dep habarlaıdy Almaty-akshamy.kz.
«Otandyq qorǵanys ónerkásibiniń basty mindetteriniń biri - kásiporyndardyń tehnologıalyq ınfraqurylymy men kadrlyq áleýetin damytý. Bul elimizdiń Qarýly Kúshterin, basqa da áskerler men áskerı qurylymdardy qazirgi zamanǵa saı qarý-jaraq pen áskerı tehnıkamen qamtamasyz etý mindetin oryndaýǵa múmkindik beredi»,- delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Mamandardyń aıtýynsha, bıyl elimizdiń qorǵanys ónerkásibi kásiporyndary birqatar perspektıvalyq jobalardy iske asyrýdy josparlap otyr, onyń ishinde:
-«№ 405 avıajóndeý zaýyty» AQ bazasynda Mı-171Sh tikushaqtaryn qurastyrý,
-«Qazaqstandyq avıasıalyq ındýstrıa» JSHS kásipornynda Airbus ushaqtaryna qyzmet kórsetetin servıstik ortalyq qurý;
-«Petropavl aýyr mashına jasaý zaýyty» AQ bazasynda memlekettik shekarany qorǵaýdyń tehnıkalyq quraldaryn óndirý,
-«Tynys» AQ, «Alma MÚ» JSHS, «Mılıtarm» JSHS kásiporyndarynda radıasıalyq jáne hımıalyq qorǵaý quraldary óndirisin jolǵa qoıý josparlanǵan.
-«Semeı ınjınırıń» AQ bazasynda bronetanktik tehnıkany jańǵyrtý;
-«Steelmanufacturing» JSHS avtomatty oq-dáriler óndirý,
-«Qazaqstan Paramaýnt ınjınırıń» JSHS-de «Barys 8h8» saýytty dóńgelekti mashınalar óndirisin,
-«Tynys» AQ bazasynda AK-12 jáne AK-15 avtomattary óndirisin iske qosý kózdelip otyr.
«Jalpy alǵanda, elimizdiń qorǵanys-ónerkásip kesheni qalyptasý jolynan ótip, búgingi tańda áskerı salany ǵana emes, azamattyq sektordy da túrli ónimdermen qamtamasyz etýde»,- delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.