Bul týraly ulttyq ekonomıka mınıstri Álibek Qýantyrov málimdedi.
Tórt aı ishinde Qazaqstannyń jalpy ishki ónimi 4,4%-ke ósti, dep habarlaıdy Almaty-akshamy.kz
«Osy jylǵy qańtar-sáýir aılarynda Qazaqstan ekonomıkasynyń ósý qarqyny 4,4% qurady. Negizgi trendter boıynsha esepti kezeńde naqty sektor ósiminiń jedeldeýi, eksport kóleminiń údemeli ulǵaıýy, qyzmet kórsetý sektorynda turaqty dınamıka baıqalýda», - dedi Qýantyrov úkimet otyrysynda.
Aıtýynsha, naqty sektordaǵy ósim 5,1%-ke jetken. Qyzmet kórsetý salasynda iskerlik belsendilik 3,4%-ke deıin ulǵaıdy.
Saýda, qurylys, kólik jáne qoıma, aqparat jáne baılanys, óńdeý ónerkásibi, sýmen jabdyqtaý, taý-ken óndirý ónerkásibi, aýyl sharýashylyǵy salalary da oń ósim kórsetti.
Negizgi kapıtalǵa salynǵan ınvestısıalar 2,3%-ke ósti.
Sonymen qatar bıyl qańtar-naýryzda syrtqy saýda taýar aınalymy 45,3%-ke ósip, 28,7 mıllıard dollardy qurady. Onyń ishinde eksport boıynsha kórsetkish 65,8%-ke ósip, 19,1 mıllıard dollarǵa deıin jetti. Taýarlar ımporty 9,5 mıllıard dollardy qurady.
«Jalpy, oń saýda balansy jaqsaryp, 9,6 mıllıard dollarǵa deıin ósti», - dedi mınıstr.
Óńdeý ónerkásibinde de serpindi ósý úrdisi baıqalýda. Jyl basynan beri óndiris kólemi 5,8%-ke ósken.